POP 5

Lajmet më të lexuara të 5 minutave të fundit

Politikë

'Foltorja' në Fier, pjesëmarrje e ulët, u bashkohet deputeti Baçi! Berisha-Kimit: Dosje ka, por janë shpifje! Basha u mor peng nga Rama, të lërë mandatin dhe të ikë nga erdhi

Në 'Foltoren' e dytë në Fier, Sali Berishës ju bashkua një numër i vogël qytetarësh. Ai u prit nga kryetari i degës Fier, Luan Baçi teksa e ka shoqëruar nga Tirana deputeti tjetër, Flamur Noka. Ai iu përgjigj ambasadores Yuri Kim se dosje ndaj tij ka në SHBA, por ato janë shpifje, ndërsa tha se Basha është marrë peng nga Rama dhe po shkatërron PD. Berisha kërcënoi kryedemokratin që të dorëzojë mandatin dhe të largohet.

'Basha të lërë mandatin dhe të ikë andej nga erdhi' ishte thirrja që Sali Berisha i bëri kryedemokratit nga takimi që pati me demokratët e qarkut të Fierit. Duke e cilësuar si liderin që i ka bërë më shumë dëm një partie se askush tjetër, Berisha tha se pabesia dhe mungesa e parimeve morale të Bashës po dëmtojnë PD dhe demokratët. Berisha zhvilloi sot në Fier 'Foltoren' e dytë me simpatizantët, por ndryshe nga Tirana në sallë ishin të pranishëm një grup i vogël qytetarësh.

Teksa shoqërohej nga Tirana nga deputeti Flamur Noka, një nga zërat më të ashpër ndaj Bashës për vendimin e përjashtimit të ish liderit të PD, Berisha u prit edhe nga kryetari i degës Fier dhe deputeti, Luan Baçi, i cili iu bashkua lëvizjes ‘Për një Parti Demokratike më të bashkuar’. Një nga arsyet pse ai u përjashtua nga grupi parlamentar, për Berishën është fakti se Basha mund të ketë akumuluar, pasi sipas tij "ai ia thoshte të gjitha gjërat troç duke u bërë zëri i demokratëve'.

"Peng Basha do të jetë mirë të shkojë andej nga erdhi. Nuk ia ka barë kush partisë atë që i bëri ky. Ndoshta ai kishte akumuluar ndaj meje, se unë çdo gjë i thoja, isha zëri juaj te ai. Por nuk e besoja se ishte kaq jo parimor dhe i pabesë. Pse SHBA vlerëson pabesinë? Po nuk fitove jep dorëheqjen, por kur të kanë marrë peng nuk të lejojnë që të japësh dorëheqjen. Uroj që të dorëzojë mandatin dhe të shkojë nga erdhi", tha Berisha

Një sulm Berisha 'nuk e kurseu' as për ambasadoren e SHBA-së Yuri Kim, ku pasi pranoi se ka dosje ndaj tij vë vendimin e shpalljes 'non grata' nga DASH, shtoi se ata janë të gjitha shpifje të krijuar nga raporte që dalin nga zyra e Ramës. Ai ripërsëriti se do të shkojë në parlament pavarësisht gjithë situatës së krijuar.

"Ambasadorja ka deklaruar se habitem se si njerëzit bëjnë të paditurin. Zonja ambasadore i ke thënë Lulzim Bashës se "Berisha e di që ne kemi dosje por ai nuk i beson ato dosje'. Unë nuk kam thënë kurrë ndonjëherë që nuk ka dosje, por ata janë shpifje dhe vetëm shpifje. Ju them me bindje të gjithëve: unë do të futem në Parlament pa asnjë diskutim", tha Berisha.

Përgjegjës për përjashtimin e tij dhe situatën e krijuar,  Berisha bën kryeministrin Edi Rama, sipas të cilit ka marrë peng Lulzim Bashën për t'i futur thikë pas shpinë PD-së. Teksa vijon ta quajë  ish kryetar i PD, Berisha shprehet i bindur se mes Bashës dhe Ramës ka bashkëpunim, dhe këtë po e vuan ai vetë dhe PD-ja. Ai u kërkoi militantëve të mos ndahen në dy kampe, pasi në këtë mënyrë PD do përçahet.

"Në 30 vite këto janë ditët më të vështira për Shqipërinë dhe shqiptarët. Jo vetëm për faktin se ne sot kemi një regjim të keq, por për faktin se sot duke marrë peng kreun e opozitës, Edi Rama i futi thikë pas shpine PD me dorën e pengut të tij Lulzim Basha. Sot kemi nis këtë debat me ju, por ky debat ju ftoj të zhvillohet një debat midis njerëzve që u besojnë vlerave, që marrin përgjegjësi. Janë të revoltuar nga akti i pabesë i Lulzim Bashës. Të mos pranojmë asnjë ndarje midis nesh, të Bashës dhe Berishës. Ju jeni njerëzit e vlerave dhe të lirisë. Ata që nuk e duan Sali Berishën ju them vetëm një fjalë, më shumë  se gjithë ju Bashën e ka mbështetur vetëm Berisha", tha Berisha

Berisha komentoi edhe deklaratat e kryetarit Lulzim Basha se nuk do të ketë mbledhje të forumeve, duke i thënë se ka për të përfunduar keq. Madje Berisha tregon hapat që do të ndjekë për të mbledhur Kuvendin e partisë që ta shkarkojë Bashën.

"Atëherë marrim Kuvendin, vendoset neni i referendumit dhe shkohet në referendum. Vota e lirë është shpëtimtare. E dëgjuat deklaratën e peng-kryetarit. Atij i them një gjë: të gjithë ata që i kapi frika e forumeve, kanë përfunduar keq” tha Berisha.

Vendimi për përjashtimin nga grupi i PD, bëri që Berisha të sulmojë ashpër Lulzim Bashën duke e cilësuar një lider të thyer, të pabesë dhe të paaftë për ta çuar partinë në fitore. Aksionin e tij ndaj Bashës nuk e ka lënë vetëm me deklarata, por ka zbritur në terren për të takuar anëtarët e PD-së, për të mbledhur 1500 firmat që sipas tij shërbejnë për referendum për të rrëzuar vendimin e përjashtimit të tij dhe për t'i rikthyer sipas tij sovranitetin partisë. Kjo lëvizje është mbështetur nga deputetët Edi Paloka, Tritan Shehu dhe Flamur Noka, por edhe nga ish-presidenti Bujar Nishani.Ndërsa turin e tij të takimeve me demokratët, Berisha ka në plan ta zhvillojë në gjithë Shqipërinë.

 

Rendit zhvillimet sipas orarit:
Ora 19:14
'Fermerët janë kthyer në argat të Serbisë', Braçe ironizon Berishën: Kufoma që shëtit, eksportoi naftë për makinën e luftës së Millosheviçit

Deputeti i PS-së, Erion Braçe, ka reaguar për takimin e zhvilluar që po organizon ish-kreu i PD-së në Fier, i cili tha se fermerët e Fierit e të Lushnjes po kthehen në argat për fushat e Serbisë. Braçe i cili e quan Berishën 'kufomë që shëtit', thekson se fermerët e Myzeqesë e kanë fituar betejën me Serbinë dhe eksportojnë prodhimet atje deri në kilogramin e fundit.

'Kufoma qe shetit, duhet të kujtoj dallimin; Ai si argat i Serbisë, eksportoi naftë për makinë e luftës së Miloshevicit, bashkërisht fituan përkohësisht luftrat në Bosnje e Kosovë! Fermerët e Myzeqesë eksportojnë atje edhe kilogramin e fundit të perimeve që prodhojnë, kanë dituar betejën e eksporteve bujqësore me Serbinë e këdo në kufijtë lindore e veriore të këtij vendi!'- shkruan Braçe.

Postimi Erion Braçes

M.Q./Shqiptarja.com

I.K/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fieri: 22/09/2021 05:47

    Sali berisha hero kombetar..ne dhjetor zgjedhje te parakoheshme me salen kryeminister..para shqipe..

    Përgjigju
  • Turi: 22/09/2021 04:57

    Ruju Lylo se ta ka von synin Birisha. Do ta gjej dhe ty aksidentin e rradhes se kshu i hoqi qafi kundeshtaret nder vite. Ruju se ke dhe dy kalamoj per te rrit o Lyl.

    Përgjigju
  • Sula: 22/09/2021 04:37

    O birishe lulin te pallon dhe argiten..besoj se e di...prandaj qeroje sic qerove olldashin.

    Përgjigju
  • Qwert: 21/09/2021 18:13

    Pse thoni pjesmarrja e ulet? turp te keni ..”komunista”

    Përgjigju
    • Tarrasi: 22/09/2021 04:55

      Mos e kishe gje me Berishovicin - The last of Komunists.

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29