Takimi i parë i mbledhjeve vjetore të FMN dhe BB, Sejko: Ekonomia u godit në 4 fusha nga pandemia! Pritet të rifillojë rimëkëmbja në 2021-in

Takimi i parë i mbledhjeve vjetore të FMN dhe BB, Sejko: Ekonomia u godit në 4 fusha nga pandemia! Pritet të rifillojë rimëkëmbja në 2021-in

Foto nga takimi i Gent Sejkos

Guvernatori i Bankës së Shqipërisë, Gent Sejko, në cilësinë e Guvernatorit të Republikës së Shqipërisë në FMN, mori pjesë në takimin e parë të Mbledhjeve Vjetore të Fondit Monetar Ndërkombëtar (FMN) dhe të Grupit të Bankës Botërore (BB), të cilat këtë vit zhvillohen online.

Gjatë takimit, Sejko u shpreh se ekonomia shqiptare ka qenë nën efektin e fortë të pandemisë gjatë gjysmës së parë të vitit, sidomos në tremujorin e dytë të vitit 2020, dhe kjo goditje ka dhënë ndikimin e saj në konsum, në investime, në punësim dhe në borxhin publik.

Guvernatori shtoi se ekonomia shqiptare pritet të fillojë rimëkëmbjen në vitin 2021 dhe inflacioni të kthehet në objektiv brenda vitit 2022.

Për sa i përket sistemit bankar, ai u shpreh se pandemia e gjeti sistemin me tregues të mirë financiar, si dhe me një nivel të mirë kapitalizimi dhe likuiditeti dhe këta parametra kanë vijuar të ruhen të shëndetshëm gjatë gjithë kësaj periudhe.

Më tej, Sejko prezantoi masat e marra nga Banka e Shqipërisë si përgjigje e goditjes së krijuar nga pandemia, ku mund të përmendet rritja e stimulit monetar, nëpërmjet uljes së normës bazë të interesit dhe rritjes së injektimeve të likuiditetit, ndryshimet në kuadrin rregullator, të cilat patën për qëllim lehtësimin e shtyrjes së përkohshme të pagesës së kësteve dhe ristrukturimin e kredive bankare për klientët në vështirësi.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Riku: 09/10/2020 19:50

    Ekonomia goditet nga shpenzimet e paimagjinueshme qe beni ju te bankes se shqiperise me rroga dieta dhe prokurime luksi. Turp

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

VIDEO/Mbledhja e këshillit bashkiak në Himarë, banori pështyn në fytyrë Vangjel Tavon

VIDEO/Mbledhja e këshillit bashkiak në Himarë, banori pështyn në fytyrë Vangjel Tavon