Në prag të takimit të kryeministrit, Albin Kurti me presidentin e Serbisë, Aleksandër Vuçiq në Bruksel, partitë opozitare kërkojnë nga Kurti që qëllim final i dialogut të jetë njohja reciproke.
Sipas tyre, kreu qeveritar nuk duhet të devijojë përpjekjet shumëvjeçare të Kosovës që njohja reciproke të jetë në qendër të marrëveshjes dhe jo vetëm të jetë fokus normalizimi i marrëdhënieve përmes Marrëveshjes Bazë të Brukselit dhe aneksit të Ohrit.
Opozitarët kërkojnë nga ekzekutivi që t’i bindin edhe partnerët, përfshirë Shtetet e Bashkuara të Amerikës që mos të ndryshojnë qëndrim sa i përket njohjes reciproke si qëllim final të dialogut.
Deputetja e Partisë Demokratike të Kosovës (PDK), Blerta Deliu, thotë për KosovaPress, se qasja e qeverisë në dialog duhet të jetë e mirë koordinuar me aleatët e Kosovës.
Duke folur për Marrëveshjen Bazë të Brukselit dhe aneksin e Ohrit të arritur vitin e kaluar, deputetja Deliu, deklaron se Kurti nuk do të duhej as të diskutonte për një marrëveshje ku nuk është njohja de-jure në qendër të saj.
Kritika për devijim të procesit të dialogut adreson edhe deputetja e LDK-së, Rrezarta Krasniqi, e cila thotë për KosovaPress, se në Qeverinë Kurti nuk flitet më për njohje reciproke por vetëm për zbatim të marrëveshjes së Brukselit e cila sipas saj primare ka autonominë për serbët në Kosovë.
Ndërkaq, deputetja e AAK-së, Time Kadrijaj, thotë se kryeministri Kurti duhet të insistojë që dialogu të përfundojë me njohje reciproke, pavarësisht marrëveshjes së Brukselit dhe aneksit të Ohrit.
Takimin Kurti-Vuçiq në Bruksel më 26 qershor e kanë konfirmuar edhe nga Qeveria e Kosovës. Sipas tyre në këtë takim do të flitet për zbatimin e Marrëveshjes Bazë të Brukselit dhe aneksin Ohrit. Ky është i pari pas sulmit terrorist në Banjskë të Zveçanit që ndodhi në shtator të vitit 2023. Pikërisht në shtator të vitit të kaluar ishte takimi i fundit ndërmjet kryeministrit Kurti dhe Vuçiq./Kosovapress
Lajme të tjera
-
Borrell kërkon përparim në zbatimin e marrëveshjes për normalizim
26 Qershor, 16:21 -
Kurti dhe Vuçiç takohen nesër në Bruksel
25 Qershor, 19:58 -
Kryeministri serb Vuçeviç: Jemi të përgatitur të bëjmë kompromise me Kosovën
25 Qershor, 18:48 -
Përparim në dialog apo humbje të fondeve të BE-së: Çfarë do të zgjedhin Kurti e Vuçiç?
25 Qershor, 16:58 -
Borell pret që BE-ja të heq sanksionet ndaj Kosovës: Nuk dua të dorëzohem
25 Qershor, 09:37 -
U përfshi në përplasjen mes tifozëve në Gjermani, Vuçiç krenar për të birin: E provokuan shqiptarët, ai nuk më turpëroi
25 Qershor, 09:30 -
Të mërkurën takimi Kurti-Vuçiç në Bruksel, Konjufca: Nuk pres diçka të rëndësishme, asociacioni s’është në rendin e ditës për ne
24 Qershor, 16:49 -
Financial Times: 800 milionë euro municione të eksportuara nga Serbia në vendet e treta që nga fillimi i luftës në Ukrainë
23 Qershor, 18:44 -
Dialogu Kosovë-Serbi, BE e konfirmon, Kurtit dhe Vuçiç takohen më 26 qershor në Bruksel
20 Qershor, 14:19 -
Vuçiç takon Lajçak: Normalizimi ekziston përmes zbatimit të Marrëveshjes së Brukselit
19 Qershor, 20:28 -
Kush e pengon paqen e qëndrueshme mes Kosovës e Serbisë?
17 Qershor, 19:41 -
VIDEO/ Mediat kroate: Në përplasjen e serbëve me tifozët anglezë i përfshirë edhe djali i Vuçiç
17 Qershor, 07:57
