Gazment Bardhi u takua me ambasadorin e Spanjës në Shqipëri, Gabriel Cremades Ventura, në një bisedë ku u fol për marrëdhëniet mes dy vendeve dhe për rrugën e Shqipërisë drejt Bashkimit Europian.

Gjatë takimit, kreu i grupit parlamentar të PD-së vlerësoi marrëdhëniet mes Shqipërisë dhe Spanjës dhe theksoi se ka nevojë për bashkëpunim edhe më të ngushtë në disa fusha. Ai falënderoi gjithashtu Spanjën për mbështetjen që i jep Shqipërisë në procesin e anëtarësimit në Bashkimin Europian.

Bardhi tha se opozita ka shqetësime për mënyrën si po zbatohen standardet demokratike dhe respektimi i shtetit ligjor në vend. Sipas tij, këto janë baza mbi të cilat duhet të ecë përpara procesi i integrimit.

Në bisedë u përmend edhe qëndrimi publik i kryetarit të Komisionit të Jashtëm në Parlamentin Europian, David McAllister, i cili e ka cilësuar çështjen Balluku si një test kritik për Shqipërinë në raport me reformën në drejtësi dhe seriozitetin e luftës kundër korrupsionit.

Sipas Bardhit opozita është e gatshme të kontribuojë që "vendi të ketë institucione që funksionojnë sipas ligjit dhe zgjedhje të lira e të ndershme që garantojnë rotacion politik nëpërmjet votës së qytetarëve."

U.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 4 Mars, 21:56

    Mendoni se ndryshimet në Ekzekutiv do përmirësojnë qeverisjen e vendit?

Lajme të tjera