Takimi me Jahjagën, Nikoliç: Të
mos flitet për Kosovë të pavarua

BRUKSEL - Të mërkurën në Bruksel u realizua për herë të parë takimi mes presidentes së Kosovës, Atifete Jahjaga dhe presidentit të Serbisë, Tomislav Nikoliç, me ndërmjetësimin e shefes së Politikës së jashtme të Bashkimit Evropian, Catherine Ashton.

Por pavarësisht përgëzimeve të ardhura nga kreu i shtetit, Bujar Nishani e Kryeministri Berisha mbi këtë takim të cilët e cilësuan hap historik drejt normalizimit të marrëdhënieve mes dy vendeve, vetë Nikoliç nuk është shprehur entuziast, madje ai ka deklaruar për televizionin serb B92 se nëse Kosova do të vazhdojë të këmbëngulë për pavarësinë e saj, atëherë dialogu nuk mund të lëvizë në drejtim të gjetjes së një zgjidhjeje të përbashkët. Nga ana tjetër, Baronesha Ashton në një deklaratë për mediat pas takimit, u shpreh se “javët e ardhshme do të jenë kritike”, por pa përcaktuar arsye konkrete.

Takimi i cili në masë u pa si një rrugë drejt normalizimit të marrëdhënieve mes dy shteteve, ka sjellë në fakt deklarata kontradiktore. Kjo pasi, ndryshe nga homologu i saj, Jahjaga e ka konsideruar këtë takim si hapjen e një kapitulli të ri.

Takimi i tre personaliteteve në zyrën e Baroneshës, u parapri nga takime në veçanti që Ashton realizoi me presidentin serb Nikoliç, e më tej me Jahjagën.

TAKIMI
Presidentja e Kosovës Atifete Jahjaga dhe homologu i saj serb, Tomislav Nikoliç realizuan në Bruksel takimin e parë mes tyre, të ndërmjetësuar nga shefja e Politikës së jashtme të Bashkimit Evropian, Catherine Ashton. Takimi mes liderëve të Kosovës e Serbisë është parë në masë si një rrugë drejt normalizimit të marrëdhënieve mes dy vendeve.

Takimi, i cili përfundoi rreth orës 19:00 të pasdites së sotme, zgjati përreth 40 minuta dhe u parapri nga takimet e veçanta të baroneshës Ashton me secilin prej tyre.

Catherine Ashton u takua fillimisht me presidentin serb Tomislav Nikoliç dhe më pas diskutoi me Presidenten e Kosovës Atitefe Jahjaga. Takimi u konkludua kur të tre personalitetet u takuan në zyrën e Ashton.

Në një deklaratë për shtyp pas takimeve të veçanta me secilin prej tyre, Maja Koçijançiç, zëdhënëse e Përfaqësueses së Lartë për Politikën e Jashtme dhe Siguri në BE, baroneshës Ashton theksoi se qëllimi i takimit mes Nikoliç dhe Jahjaga do të jetë forcimi i dialogut dhe normalizimi i marrëdhënieve mes Beogradit dhe Prishtinës.

“Marrëdhëniet e mira dhe bashkëpunimi rajonal janë pjesë të rëndësishme e kritereve të përcaktuara nga BE-ja për vendet e Ballkanit Perëndimor, dhe ky është një hap i rëndësishëm në këtë drejtim”, -përfundoi zëdhënësja Koçijançiç.

ASHTON: JAVET NE VIJIM, KRITIKE
Shefja e diplomacisë evropiane, Catherine Ashton, që ka ndërmjetësuar takimin ndërmjet presidentes së Kosovës, Atifete Jahjaga, dhe presidentit të Serbisë, Tomislav Nikoliç, përmes një deklarate për mediat ka thënë se në takim u trajtuar çështja e veriut të Kosovës, ndërsa theksoi se “javët e ardhshme do të jenë kritike”, por pa përcaktuar arsye konkrete.

“Unë takova në Bruksel, presidentin Nikoliç dhe presidenten Jahjaga në frymë e normalizimit të marrëdhënie mes Prishtinës dhe Beogradit. Pasi i takova ata në veçanti, unë pata po ashtu një takim të përbashkët me dy presidentët, në një atmosferë mjaft konstruktive. Ne kemi biseduar për dialogun aktual mes kryeministrave Thaçi dhe Daçiç”, deklaroi Ashton.

“Të dy presidentët, Nikoliç dhe Jahjaga më kanë siguruar për mbështetjen e tyre të vazhdueshme për dialogun dhe për axhendat respektive evropiane”, u shpreh Ashton.

PDF / Deklarata e Baroneshës Ashton