Takimi me ministrin e Drejtësisë, Kim: Lufta kundër korrupsionit, interes thelbësor i sigurisë kombëtare

Takimi me ministrin e Drejtësisë, Kim: Lufta kundër korrupsionit, interes thelbësor i sigurisë kombëtare

Yuri Kim dhe Ulsi Manja

Ambasadorja e SHBA, Yuri Kim është takuar me ministrin e Drejtësisë Ulsi Manja për progresin e Reformës në Drejtësi. Kim vendos sërish theksin tek lufta ndaj korrupsionit që konsiderohet si kërcënim për sigurinë dhe barazinë ekonomike.

“Yuri Kim u takua dje me ministrin e Drejtësisë Ulsi Manja për të shqyrtuar progresin në zbatimin e reformës në drejtësi dhe rëndësinë e saj për aspiratat e Shqipërisë në BE. Ambasadorja përsëri theksoi se Presidenti Biden në qershor 2021 identifikoi luftën kundër korrupsionit si një interes thelbësor i sigurisë kombëtare sepse kërcënon sigurinë, barazinë ekonomike, zhvillimin dhe demokracinë. Takimi i paraprin pjesëmarrjes së ministrit Manja në Konferencën e 20-të Ndërkombëtare Kundër Korrupsionit (IACC) në Uashington, DC, 6-10 dhjetor”, thuhet në njoftimin e ambasadës amerikane në Twitter.

Një ditë më parë, ambasadorja e SHBA, Yuri Kim pati një mesazh në lidhje me zgjedhjet për kreun e ri të SPAK duke thënë se procesi duhet të jetë transparent dhe pa manipulime nga ata që duan të ndikojnë në drejtësi.

Tre kandidatët për kreun e të SPAK, janë Edvin Kondili, Adnan Xholi, Altin Dumani të cilët sipas KLP i plotësojnë kushtet për t’u futur në garë. Kreu i ri i SPAK zgjidhet në një moment kur jo vetëm ndërkombëtarët por edhe publiku kërkon rezultate, arrestime të zyrtarëve të lartë të implikuar në korrupsion dhe anëtarë të bandave të krimit të organizuar.

A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Pali: 24/11/2022 06:02

    Shume bukur ka fol ministri...Imer Lala.

    Përgjigju
  • Sondazhi i ditës:

    Mendoni se do zbulohet pronari i 400 mijë € të vjedhura nga pastruesja?



×

Lajmi i fundit

VIDEO/ Partizani pesë ndeshje pa fitore, Laçi e përmbys në kryeqytet

VIDEO/ Partizani pesë ndeshje pa fitore, Laçi e përmbys në kryeqytet