Projekti për bujqësinë dhe përballimin e ndryshimeve klimatike ishte në fokus të një takimi mes ministrit Andis Salla dhe përfaqësueses së Bankës Botërore për Ballkanin Perëndimor, Xiaoqing Yu.

Gjatë bisedës u diskutua ecuria e projektit “Qëndrueshmëria ndaj Klimës dhe Zhvillimi i Bujqësisë” (CRAD), si dhe hapat që do të ndërmerren për të përshpejtuar zbatimin e tij në mbështetje të fermerëve dhe zhvillimit të sektorit.

Salla theksoi se bashkëpunimi me Bankën Botërore do të ndihmojë në zbatimin efektiv të projektit dhe rritjen e përfitimeve për bujqësinë.

"Në vijim të monitorimit të vazhdueshëm të projektit CRAD, një bashkëbisedim i frytshëm me znj. Xiaoqing Yu, Drejtore e Divizionit për Ballkanin Perëndimor në Bankën Botërore, ku diskutuam ecurinë e projektit dhe hapat konkretë për përshpejtimin e zbatimit në mbështetje të zhvillimit të sektorit bujqësor dhe procesit të integrimit europian. Përmes bashkëpunimit të ngushtë me Bankën Botërore do të garantojmë zbatimin efektiv të projektit dhe maksimizimin e përfitimeve për fermerët dhe sektorin bujqësor. Projekti synon përmirësimin e zinxhirit ushqimor nga ferma në tavolinë, rritjen e vlerës së produkteve bujqësore, forcimin e sigurisë ushqimore, si dhe modernizimin e sistemeve të vaditjes dhe kullimit" shkroi Salla në rrjete sociale. 

Qëllimi i projektit është përmirësimi i zinxhirit ushqimor nga ferma në tavolinë, rritja e vlerës së produkteve bujqësore dhe forcimi i sigurisë ushqimore.

Në fokus janë edhe investimet në sisteme moderne vaditjeje dhe kullimi, që synojnë të ndikojnë drejtpërdrejt në prodhimin dhe punën e fermerëve.

 

U.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 17 Mars, 11:47

    Shqipëria shpall Iranin shtet sponsor të terrorizmit, si e vlerësoni?

Lajme të tjera