Takimi në Bruksel, Jahjaga vetëm
shqip, Nikoliç vetëm serbisht
Takimi në Bruksel. Jahjaga dhe Nikoliç para nisjes së takimit, në hyrje të zyrës ku ai zhvillohej, i kishin shtrënguar duart, ndërsa në takim secili kishte folur në gjuhën e tij, Jahjaga në shqip dhe Nikoliç në serbisht, me përkthim në anglisht.
Përfaqësuesja e lartë e BE-së për Politikë të Jashtme dhe Siguri, Catherine Ashton, i kishte ftuar të mërkurën mbrëma në zyrën e saj në ndërtesën e Shërbimit të Jashtëm të BE-së për t’u takuar për herë të parë në histori presidentët e Kosovës dhe Serbisë, Atifete Jahjaga dhe Tomislav Nikoliç, por organizatori kishte bërë çmos që publiku të mos ketë as pamje nga takimi, përveç një fotografie të cilën e dërguan me postën elektronike nga zyra e saj.
Më vonë u mësua se Jahjaga dhe Nikoliç para nisjes së takimit, në hyrje të zyrës ku ai zhvillohej, i kishin shtrënguar duart, ndërsa në takim secili kishte folur në gjuhën e tij, Jahjaga në shqip dhe Nikoliç në serbisht, me përkthim në anglisht.
Takimi dukej i të njëjtit format sikur ai i kryeministrave Thaçi dhe Daçiç, por ishte e qartë se kësaj radhe kishte më shumë simbolikë sesa përmbajtje. Madje takimi përfundoi pak më herët sesa pritej dhe kishte zgjatur më pak se një orë. Dhe pas tij u pa se palët mbeten shumë larg në qëndrimet e tyre parimore, ndërsa ky takim vetëm i konfirmoi ato.
E vetmja gjë si emërtues i përbashkët ishte “shikimi kah e ardhmja më e mirë për qytetarët” dhe përkushtimi që “gjithçka të zgjidhet me dialog”, sikur edhe interesi për të ecur drejt integrimeve evropiane. Për çështjet e tjera kishte dallim të qartë në qëndrime.
Evropianët patën një lexim pozitiv të këtij takimi, me gjithë mungesën e substancës në të.
“Ne po merremi me çështjen e Kosovës veriore dhe javët që vinë do të jenë kyç. Të dy, presidenti Nikoliç dhe presidentja Jahjaga, më kanë siguruar për vazhdimin e mbështetjes së tyre dhe përkushtimin për dialog dhe agjendën e tyre përkatëse evropiane”, tha Ashton.
*Marrë nga Koha Ditore
(Gre.M/Shqiptarja.com)
Sondazhi i ditës:
Kabineti i ri qeveritar, jeni dakord me ndryshimet e bëra nga Rama?
-
Po
51.4%
-
Jo
34.6%
-
Nuk e di
14%
Vota total: 3921
Votat totale janë unike
Lajme të tjera
-
Olimpiket 2024/ Luiza Gega dhe Franko Burraj nisen drejt Parisit! Atletja: Synoj më të mirën, gara do të jetë më e fortë
29 Korrik, 21:50
-
Të shtëna me armë në një park në New York, vriten 2 gra dhe plagosen 5 të tjerë
29 Korrik, 21:48
-
Trafikoi qindra njerëz drejt Britanisë, dënohet me 10 vite burg 24- vjeçari shqiptar! Bashkëpunëtor i rrjetit iranian
29 Korrik, 21:13
-
Vendet perëndimore u bëjnë thirrje qytetarëve të tyre që të largohen nga Libani
29 Korrik, 21:08
-
Mero Baze: Kongresi përballë socialistëve indiferentë dhe demokratëve si tifozë të zjarrtë të tij
29 Korrik, 21:05
-
Merr fund ëndrra e boksieres nga Kosova, Donjeta Sadikut për medalje në Paris 2024
29 Korrik, 20:57
-
SHBA jep 1.7 miliardë dollarë ndihmë ushtarake për Ukrainën
29 Korrik, 20:27
-
Izraeli paralajmëron luftë ndaj Hezbollahut/ Kabineti i Sigurisë i jep ‘Ok’ Netanyahut për hakmarrjen për Golanin
29 Korrik, 20:24
-
Presidenti Biden kërkon reformim të Gjykatës së Lartë, kufizim të mandatit të anëtarëve
29 Korrik, 20:12
-
'Anonimët në qeveri, sy shkelje ndaj teatër-opozitës', Basha: Rama u tha socialistëve, s'ka rëndësi kush ikën e vjen, këtu jam unë dhe Berisha
29 Korrik, 19:53
-
Aksident i trefishtë në aksin Korçë-Bilisht, plagosen 8 persona! Mes tyre edhe 2 fëmijë
29 Korrik, 19:41
-
Zjarri në malin e Shëngjinit, nis ndërhyrja nga ajri! Flakët i afrohen zonës së 'Ranës së Hedhun'
29 Korrik, 19:34