Gazment Bardhi, Jorida Tabaku dhe Agron Gjekmarkaj zhvilluan një takim në Parlamentin Europian me Sekretaren e Përgjithshme të Partisë Popullore Europiane (PPE) dhe eurodeputeten Dolores Montserrat.

Gjatë takimit, përfaqësuesit e Partisë Demokratike thanë se ngritën shqetësime për procesin e integrimit europian të Shqipërisë, duke akuzuar qeverinë se po pengon avancimin e vendit drejt Bashkimit Europian.

Duke postuar foto nga takimi, deputeti Gazment Bardhi tha se qeverisja e Edi Ramës është armiku i integrimit europian të Shqipërisë 

"Integrimi europian ka vetëm një armik: qeverisjen e korruptuar dhe të papërgjegjshme të Edi Ramës. Edi Rama zgjodhi Belinda Ballukun përpara integrimit europian. Me vetëdije të plotë, për të mbrojtur bashkëpunëtoren e tij të pandehur nga SPAK-u, Edi Rama nuk e kaloi testin e Europës dhe sot raporti i Parlamentit Europian po na vendos kusht pas kushti, duke shprehur hapur zhgënjimin dhe mosbesimin ndaj kësaj qeverie. Edi Rama zgjodhi aleancën me krimin e organizuar, në vend të aleancës me familjen europiane. Vetëm në dy dosje të drejtësisë, të bëra publike së fundmi, rezulton qartë se, me firmën e Edi Ramës, Shqipëria është bërë parajsë e pastrimit të parave të krimeve të kryera në vendet e Bashkimit Europian. Por shqiptarët kanë zgjedhur Europën prej kohësh, prandaj kanë vendosur ta largojnë Edi Ramën" shkroi Bardhi në rrjete sociale. 

U.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 16 Qershor, 18:28

    A duhet ta dorëzojë mandatin ‘Neomalësorja’ pas largimit nga grupi i PS?

Lajme të tjera