POP 5

Lajmet më të lexuara të 5 minutave të fundit

Politikë

Taksa progresive, Rama: Bota
gjynah që s'dëgjon Berishën!

"Fatkeqësi për botën që nuk dëgjon dot kryeministrin tonë për të gjetur zgjidhjen e krizës ekonomike." Në këtë mënyrë lideri i opozitës, Edi Rama ka kundërshtuar deklaratën e bërë paraditen e sotme nga kryeministri Berisha në lidhje me taksën progresive, sipas të cilit kjo taksë është relike e doktrinës marksiste.
Taksa progresive, Rama: Bota <br />gjynah që s'dëgjon Berishën!
TIRANE- "Fatkeqësi për botën që nuk dëgjon dot kryeministrin tonë për të gjetur zgjidhjen e krizës ekonomike." Në këtë mënyrë lideri i opozitës, Edi Rama ka kundërshtuar deklaratën e bërë paraditen e sotme nga kryeministri Berisha në lidhje me taksën progresive. 

Rama shkruan në Twitter: “Eh c'vete! Kryeministri paska gjetur arsyen e krizës botërore: Taksa Progresive! C'fatkeqësi për botën që s'ia degjon fjalën Kryeministirt tonë e s'del nga kriza!

Reagimi i liderit të opozitës vjen pasi kryeministri Berisha gjatë konferencës për investimet e huaja, tha se në themel të krizës ekonomike në botë qëndron taksa progressive, që sipas Berishës është vecse një doktrinë marksiste.

“ Një barrë tjetër rëndon mbi biznesin kudo në botë dhe kjo është barra fiskale. Qeveria shqiptare beson se taksat e ulëta janë zgjidhja, janë mjeti më i mirë për t’u mbrojtur nga kriza. E themi këtë, sepse nga kjo krizë e madhe e krijuar nga faktorë të shumtë – kriza është multifaktoriale – ka një dhe vetëm një rrugëdalje: të korrigjohen politikat e gabuara zyrtare dhe të mbështetet fuqishëm biznesi. Unë kam bindjen më të thellë se në themelet e kësaj krize qëndrojnë taksat e larta, taksa progresive. Nuk u nxorën kurrë mësime se nga marksizmi nuk mund të ketë të mira! Ndonëse në Europë, ai ra si sistem, taksa progresive u ruajt si një relikt i doktrinës marksiste. Taksë që imponon informalitetin; taksë që kufizon potencialet investuese; taksë që kufizon mundësinë e rritjes së vendeve të punës. Ndaj edhe ne vendosëm taksën e e sheshtë, me besimin më të madh se ky është interesi më i mirë i qytetarëve shqiptarë dhe i biznesit në këtë vend. Këtu e shohim ne, rrugën përballimit të kësaj krize që ka pllakosur sot, rajonin e më gjerë.- deklaroi kryeministri Berisha gjatë konferencës për investimet e huaja në vendin tonë.

Ndërkaq në programin e PS për ekonominë, taksa progressive është një ndër elementët kyc për të zbutur varfërinë. Pikërisht kjo ide e PS ka përplasur disa herë në deklarata kryeministrin Berisha dhe liderin e opozitës, Edi Rama.
(jd/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Lufta në Ukrainë/ Dezertori rus: Në shkurt 2022 ishim gati për sulm bërthamor

Lufta në Ukrainë/ Dezertori rus: Në shkurt 2022 ishim gati për sulm bërthamor

26 Nëntor, 16:24