POP 5

Lajmet më të lexuara të 5 minutave të fundit

Ekonomi

Taksat e reja, më shtrenjtë
nafta, shtëpitë dhe kafeja

Llogaritni tatimin e pagës. Për 95 % e shqiptarëve do të jetë më i ulët se sa me taksën e sheshtë. Tabela nga 30-100 mijë lekë. Si do të ndryshojë TVSH-ja, për ilaçet, arsimin dhe hotelet. Rikthehet 10 për qind tatim mbi vlerën e shtuar në reklamën e mediave.
Taksat e reja, më shtrenjtë<br />nafta, shtëpitë dhe kafeja
TIRANE- Kush zotëron një shtëpi të dytë në emër të tij do të paguajë një taksë dy herë më të lartë për banesën se ajo, që paguhet normalisht. Kjo është një nga normat e reja, të parashikuara që të diskutohen me grupet e interesit dhe të kalojnë në vlerësimin e qeverisë e të Kuvendit, për t’u bërë më pas pjesë e paketës fiskale. Kjo është një masë për të marrë më shumë taksa nga më të pasurit e shoqërisë shqiptare dhe synon të ngërkojë me më shumë detyrim fiskal ata që kanë apartamente apo vila në bregdet, në mal, ose apartamente që i japin me qira, veç shtëpisë ku banojnë normalisht. Kuptohet që një mundësi të tillë e kanë biznesmenë por edhe politikanë, që publiku i sheh shpesh edhe me banesa në Razëm, Gjirin e Lalzit, në Dajt, në Dardhë, etj. Por, ata që e kanë këtë mundësi, kanë edhe një nivel jetese që u lejon të kontribuojnë shumë më tepër se të tjerët në buxhetin e shtetit.
Veç taksës së banesave, në draft ekspertët e Financave parashikojnë që edhe taksa për ndërtesat që përdoren për qëllime biznesi të jetë dy herë më e lartë se ajo e ndërtesave për qëllim banimi.
 
TVSH
Një nga ndryshimet që me siguri do të debatohen është ai në Tatimin mbi Vlerën e Shtuar. Këtu kemi një një, po një numër ndryshimësh, duke nisur nga ulje, zerime, por edhe rikthim në regjimin e TVSH-së të shërbimeve që ishin përjashtuar më parë.
Heqja e TVSH-së parashikohet të propozohet për ilaçet, që të hynte në fuqi nga 1 prilli i vitit të ardhshëm. Në këtë pikë, ekspertët arritën në konkluzionin se futja e 10% TVSH për medikamentet solli, ndryshe nga sa premtoi qeveria Berisha, rritjen e çmimit të tyre më se 14 për qind. Po kështu, parashikohet të hiqet TVSH për njësitë akomoduese, si mbështetje fiskale për sektorin turistik.

Në të dy rastet, do të ishte më korrekte të përdorej shprehja “TVSH me nivel zero”, në vend të “heqje e TVSH”-së, pasi kjo e fundit do të përjashtonte ndërmarrjen e një sektori nga sistemi TVSH, por edhe do të bënte për të të pamundur të shkarkonte TVSH-në e objekteve të blera nga biznesi i madh.
 
Reklama
Edhe ndërmarrjet që përdorin reklamën, kryesisht media, duhet ta gjykojnë me kujdes rifutjen e TVSH-së për reklamën në to në nivelin e presupozuar të 10 përqindëve. Nga një anë, parashikohet rritje e kostos së reklamës për ata që e sjellin atë në media. Por, nga ana tjetër, media, që ishte e përjashtuar nga sistemi TVSH, tani do të ketë të drejtën të shkarkojë TVSH-në për investimet e veta, që i bënte duke blerë me TVSH pajisje e shërbime të shtrenjta. Ajo që duhet të ngulmohet me forcë në këtë rast nga grupet e interesit, mendimi i të cilëve do të merret patjetër, është ulja në një nivel njëshifror, pra në 1, 2 apo 3 për qind maksimumi.

Edhe sektori i librit dhe ai i shtypshkronjave supozohet të rikthehet në TVSH me nivel 10%.
Rikthehet, edhe më “fuqishëm” TVSH-ja për arsimit. Niveli do të jetë ai normal: 20%. Ndërkohë, ende nuk ka një ide të qartë lidhur me heqjen apo subvencionimin e produkteve ushqimore.
 
Akcizat
Kafeja do të shtrenjtohej më shumë nga të gjitha mallrat e akcizës, në rast se do të miratohej edhe në Kuvend varjanti i parashikuar nga financierët e qeverisë. Kjo, pasi akciza për kafenë e pjekur duhet të kalojë nga 60 në 120 lekë për një kilogram, duke u dyfishuar, por edhe duke ndikuar dukshëm në rritje të ndjeshme të çmimit të saj. Rritje duhet të ketë edhe vera e pijet e tjera alkoolike, deri në 30 për qind të akzicës, ndërkohë që subjekteve të birrës në vend u hapet një dritare ndihmëse: akcizën e saj do të paguajnë vetëm ato ndërmarrje që prodhojnë më shumë se 200 mijë hektolitra në vit, ku nuk hyn asnjë nga pesë firmat që operojnë në Shqipëri.
 
Transaksioni
Deri tani një firmë mund të kryente pagesa në dorë deri më 300 lekë të reja, por paketa parashikon uljen e shifrës minimale të pagesave me bankë në 150 mijë, në mënyrë që të të njihen si shpenzime të zbritshme për efekt taksash.

Tatimi mbi Vlerën e Shtuar
 
Rikthim në regjimin e TVSH-së
  • Rivendoset TVSH mbi reklamat në masën 10%
  • Rivendoset TVSH mbi librin e shtypshkrimet në masën 10%
  • Rivendoset TVSH në arsim në masën 20% në tetor 2014 ose 2015
  • Rivendoset TVSH për kompanitë hidrokarbure në masën 20%
Ulje e nivelit të TVSH-së
  • Ulet TVSH për hotelet në nivelin 10%
Heqje e TVSH-së
  • TVSH në nivel zero për ilaçet nga 1 prilli 2014
  • TVSH në nivel zero për njësitë akomoduese jo-hoteliere
Nivele të diskutueshme të TVSH-së
  • Lëndët e para bujqësore: Subvencion për fermerët ose nivel zero
  • Produktet e “shportës”: Subvencion për konsumatorët ose nivel zero
Akcizat
  • Cigare: nga 70 në 90 lekë për kilogram
  • Verë e pije alkoolike: Rritje 30%
  • Kafe e pjekur: nga 60 në 120 lekë për kilogram
  • Birra: Vetëm kompanitë që prodhojnë më shumë se 200.000 hektolitra në vit
Tatim-fitimi
  • Xhiro deri në 2 milionë lekë në vit        taksë fikse
  • Xhiro nga 2 deri në 8 milionë lekë në vit  7.5%
  • Biznesi i madh                             10-15%
  • Koncesionarët   20%
  • Nafta e gazi    50%
Taksa mbi ndërtesat
  • Dyfishohet taksa për ndërtesë me qëllim biznesi
  • Dyfishohet taksa për shtëpinë e dytë të të njejtit pronar
Renta minerare
  • Rritje 15% për mineralet dhe naftën
Taksa e qarkullimit të automjeteve
  • Varjanti i parë: nga 7 lekë për litër për naftën e benzinën, në 12 lekë për naftën dhe 11 lekë për benzinën
  • Varjanti i dytë: 14 lekë për naftën dhe 14 lekë për benzinën
Transaksionet me banka
  • Niveli më i ulët i njohur si i zbritshëm kalon nga 300 mijë, në 150 mijë lekë
  •  
Shkrimi u publikua sot (03.12.2013) në gazetën Shqiptarja.com (print)

Redaksia Online
(d.d/shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

‘Dua më shumë Shqipërinë’, koncert për Pavarësinë në Fier! Bëhen bashkë 70 artistë fierakë

‘Dua më shumë Shqipërinë’, koncert për Pavarësinë në Fier! Bëhen bashkë 70 artistë fierakë

28 Nëntor, 21:39 nga Marsela Topi