POP 5

Lajmet më të lexuara të 5 minutave të fundit

Kosova & Rajoni

"Taksat ndaj produkteve serbe mund të rriten", Haradinaj: Qëndrimi i Listës Serbe, vullnet politik

Taksat përkundrejt produkteve serbeve është një çështje që çdo ditë e më shumë po zë rendin e ditës në Kosovë. Kryeministri i saj, Ramush Haradinaj është shprehur së fundmi se taksat ndaj produkteve të përmendura edhe mund të rritet, ndërsa sa i takon kërcënimeve të vazhdueshme të Listës Serbe, ai është shprehur se nuk mund të diktojë ndaj një vullneti e qëndrimi politik. 

Ramush Haradinaj, Kryeministër i Kosovës

Kryeministri i Kosovës, Ramush Haradinaj e ka lënë të hapur mundësinë që taksa përkundrejt produkteve serbe të rritet. Sipas medias kosovare RTK, kreu i ekzekutivit është prononcuar për qëndrimin e Kosovës ndaj Listës Serbe pas takimit që zhvilloi me anëtarët e Komisionit për Legjislacion. 

Haradinaj i ka cilësuar kërcënimet e Listës Serbe si qëndrim të vullnetit të tyre politik, që nuk do të diktohet nga qeveria e Kosovës. Ai u shpreh më tutje se Qeveria dhe institucionet e tjera të Kosovës po punojnë për të kryer disa detyra shtesë për liberalizimin e vizave. 

Para se me shkua në zgjedhje të reja po këqyrim me e nxjerr liberalizimin, e para se me nxjerr në parlament nuk kemi pse me spekulua… Sa i përket qendërzimit të partnerit të koalicionit në këtë rast të Listës Serbe është qëndrim i vullnetit të tyre, është vullnet i lirë politik dhe ne nuk e diktojmë atë. Kuptohet agjenda e Kosovës vazhdon, jemi në punë…u tha mundet edhe me u rrit taksa, mundet me u bë edhe më lartë.

Ramush Haradinaj, Kryeministër i Kosovës

Lista Serbe është e pakënaqur ndaj taksës që mendohet se mund të rritet për produktet serbe e kësisoj, ajo ka dalë në opozitë duke kërcënuar se do të votojë çdo mocion kundër Qeverisë, duke i siguruar kështu edhe numrat që i mungonin opozitës për ta rrëzuar Haradinajn.

Pakënaqësia e Listës Serbe po lexohet së fundmi nga analistët kosovarë edhe si një instrument që po i shërben Beogradit për të thelluar përçarjet brenda partive shqiptare në fazën finale e më delikate të dialogut Kosovë-Serbi. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Kapshticë/ 5 ditët e fundit, mbi 42 mijë hyrje dhe dalje në pikën e kalimit kufitar, shqiptarët kthehen në vendlindje për festat

Kapshticë/ 5 ditët e fundit, mbi 42 mijë hyrje dhe dalje në pikën e kalimit kufitar, shqiptarët kthehen në vendlindje për festat

26 Dhjetor, 10:05 nga Armand Braho