POP 5

Lajmet më të lexuara të 5 minutave të fundit

Ekonomi

Taksimi i dyfishtë i
bizneseve është drejt heqjes

Qeveria shqiptare ka vendosur që të heqë tatimin e dyfishtë me Kosovën, si një masë lehtësuese mes bizneseve të të dyja vendeve.
Taksimi i dyfishtë i<br />bizneseve është drejt heqjes
TIRANE- Qeveria shqiptare ka vendosur që të heqë tatimin e dyfishtë me Kosovën, si një masë lehtësuese mes bizneseve të të dyja vendeve. Burime zyrtare nga Ministria e Financave thanë për "A1 Report" se dje me rastin e 6-vjetorit të Pavarësisë së shtetit të Kosovës, Shqipëria ka vendosur të heqë barrjerën e tatimit të dyfishtë që bizneset e dy vendeve paguanin në të dyja doganat respektive. Kjo marrëveshje do të ndiqet automatikisht edhe nga pala kosovare, ku që këtej e tutje, të gjitha bizneset apo subjektet që i nënshtrohen pagesës së tarifave doganore, për çdo produkt apo shërbim, do të paguajnë vetëm në njërën doganë dhe do t'i nënshtrohen vetëm një kontrolli doganor, respektivish vetëm në një pikë doganore në varësi të lëvizjes nga një shtet te tjetri.
 
Interkonjeksioni
Përpos marrëveshjes për të hequr taksimin e dyfishtë, ndërtimi i intekonjeksionit energjitik me Kosovën bëhët gjithmonë e më shumë një realit. Kuvendi i Shqipërisë miratoi me 102 vota pro marrëveshjen me KfË-së për ndërtimin e linjës së interkonjeksionit 400 kV me Kosovën. Marrëveshja parashikon një ndryshim në Marrëveshjen e huasë dhe projektit mes Shqipërisë, përfaqësuar nga ministria e Financave, Operatorit të Sistemit të Transmetimit (OST), si agjencia e zbatimit dhe bankës gjermane KfW, të projektit “Linja e transmetimit 400 kV Shqipëri – Kosovë (Tiranë – Prishtinë), miratuar në parim nga Qeveria në 22 janar 2014.

Linja e interkonjeksionit Shqipëri- Kosovë është me rëndësi strategjike, pasi Shqipërisë, që importon energji elektrike për të plotësuar nevojat, i mundëson qëndrueshmëri importi dhe shfrytëzim optimal të burimeve të saj energjiteke plus atyre të Kosovës. Por vlera shkon përtej Shqipërisë dhe Kosovës, pasi realizimi i projektit i shërben rajonit dhe më gjerë. Ndërtimi i linjës 400 Kv Tiranë-Prishtinë përmirëson sigurinë me kosto efikase të furnizimit me energji elektrike në Shqipëri dhe përmbush kushtet për një treg të integruar të energjisë në Evropën Juglindore.
 
Shkrimi u publikua sot (18.02.2014) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

‘Sot jemi të gjithë Martin Cani’, nisma që bashkoi të rinjtë! Një portret i përjetësuar nga Helidon Haliti për 14-vjeçarin e vrarë

‘Sot jemi të gjithë Martin Cani’, nisma që bashkoi të rinjtë! Një portret i përjetësuar nga Helidon Haliti për 14-vjeçarin e vrarë

29 Nëntor, 16:47