Ambasadori i Kosovës në Francë, Qëndrim Gashi po përballet me një fushatë lincuese nga përfaqësues zyrtarë të klerit myslyman në Kosovë dhe më tej, për shkak se ai ka shpërndarë një raport të gazetës franceze “Le Figaro”, në të cilën bëhej një kronologji e ngjarjeve, lidhur me masakrat që kanë pasur botimin e karikaturave të Profetit Muhamed, duke marrë shkas nga krimi i fundit i prerjes së kokës së një mësuesi.
Raporti i gazetës franceze është tërësisht korrekt, pasi është thjeshtë një kronologji ngjarjesh dhe pëlqimi i saj nga ana e ambasadorit të Kosovës, përvecse nuk është krim, është standart i një qytetari normal.
Reagimi nga Kosova por dhe më tej nga hapësira shqiptare, tregon se në shoqëritë shqiptare në Ballkan, kryesisht në Kosovë dhe Maqedoninë e Veriut, ka një problem me të pranurit e shtetit laik dhe akoma më keq po zë vend një kulturë lincimi e ngjashme me atë të ISIS edhe nga disa emra që prezantohen në publik si gazetarë apo opinionist.
Së pari Ambasadori i Kosovës në Francë duhet të mbrohet nga Ministria e Jashtme e Kosovës dhe Qeveria e Kosovës, për ti prerë rrugën spekullimeve dhe për të mos e përballur atë me militantët islamik, që janë gati të presin koka njerëzish dhe në Kosovë për fenë e tyre. Qeveria dhe Ministria e Jashtme, duhet tua bëjnë të qartë se shteti i Kosovës, nuk merr rekomandime për punësim nga ISIS dhe se është i gatshëm të mbrojë laicitetin e vet që e garanton Kushtetuta.
Së dyti Bashkësia Islame e Kosovës e cila po gjeneron sulme ndaj ambasadorit, duhet së pari të dënonte aktin e egzekutimit të prerjes së kokës, së një mësuesi, që është bërë shkas për reagimet e shtypit ndërkombëtar për këtë cështje. Duke mos dënuar mënyrën se si është reaguar ndaj viktimës, dhe akoma më shumë, duke sulmuar një zyrtar të qeverisë së Kosovës, i cili ka shfaqur pëlqimin për një raport korrekt gazetaresk, dëshmon se ata kanë si standart në mendjen e tyre, ndëshkime të tilla.
Kjo është më së paku një premisë për vepër penale. Kërcënimet ndaj ambasadorit, duhet të hetohen edhe si përpjekje për të minuar shtetin laik të Kosovës dhe përdhosjen e Kushetutës së saj.
Së treti ka reagime publike të frikëshme nga njerëz që paraqiten në opinion dhe si gazetar dhe shkrimtar, të cilët e quajnë fatkeqësi të kombit shqiptar, reagimin e ambasadorit në fjalë, dhe bëjnë po ashtu thirrje për lincim të tij. Kim Mehmeti, që në Shqipëri njihet si kontributor i një televizioni të djalit të Sali Berishës, bën thirrje për ‘ta lidhur” ambasadorin në fjalë, që “edhe nëse leh” të mos “kafshojë” më. Ai e cilëson ambasadorin si “monstër” të papërgjeshëm dhe të padenjë për shqiptarët.
Për shumë militant islamik, ndoshta ky tekst është në rregull. Mund të jetë në rregull dhe për ushtritë ilegale të ISIS në Evropë , Maqedoni të Veriut apo Kosovë, por duhet të biem dakord, se nëse dikush duhet lidhur në këtë hsitori, është ky tipi, i cili nuk dihet pse i është mbushur mendja që shqiptarët fyhen nga ambasadori në fjalë dhe jo nga ky që duke qenë taleban imponohet si shqiptar. Dhe meqë ra fjala, këtë e kap dhe ligji shqiptar, se është tek ajo lista e pasaportave të Ilir Metës që janë dhënë për “interes kombëtar” (të ISIS).
Mos reagimi ndaj këtyre zërave dhe institucioneve fetare që po udhëheqin fushatën e lincimit ndaj ambasadorit në fjalë, është një tolerim i rrezikshëm dhe një inkurajim i talebanizmit në shoqëritë shqiptare në Ballkan. Dhe në krye të kësaj beteje duhet të jetë shteti i Ksoovës, ai që po agresohet nga idhtarët e islamit politik që duan të gjunjëzojnë laicizmin dhe lirinë e shqiptarëve. Por as Tirana nuk duhet të injorojë këtë histori.
Komente
Lajme të tjera
-
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Shqipëria pjesë e SEPA, lajmi fantastik jepet në eventin e Bankës Botërore! Por kush ishte prezent në këtë event?
22 Nëntor, 20:12 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Kimete Berisha: E vetmuar, si dhelpra!
21 Nëntor, 21:31
-
‘Janë të pavërteta’, Policia e Kosovës mohon se e ka kaluar kufirin me Serbinë
21 Nëntor, 20:12 -
Shqipëria anëtare e SEPA-s, Sejko: Kostoja e pagesave ndërkufitare në euro, 5 herë më e ulët! Kursimi në ekonomi 20 mln euro në vitin e parë
21 Nëntor, 17:50 -
Shqipëria pranohet zyrtarisht në SEPA
21 Nëntor, 16:38 -
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Qeveria e Kosovës akuzon Serbinë për legjitimim të diskriminimit të shqiptarëve
20 Nëntor, 21:37 -
Policia e Kosovës aksion në veri të vendit, gjen armë dhe uniforma ushtarake
20 Nëntor, 21:09
Kurse ti je manipulues tipik. Ne te njejten deklarate ku Bashkesia Islame e Kosoves denoncon aktin e ambasadorit te tyre, po aty ajo denon edhe vrasjen e mesuesit francez. Po ti s'e ke hallin as te laicizmi, as te terrorizmi. Synimi yt i vertete shfaqet ne fund te artikullit dhe eshte ai i perhershmi: denigrimi i kritikeve te Edi Rames, ne kete rast i Kim Mehmetit.
PërgjigjuPse,qimja e metit ka lidhje me qimen e pekes?
Përgjigjumullah kimi, kim mehmuti islamiku perendimor
PërgjigjuNe Kaurret Vlleh jemi me te mire.Amen