Kjo histori nuk është e padëgjuar… Kjo është historia e Andrea Nastos, një shqiptar emigrant si shumë të tjerë në Greqi. Andrea Nasto është bërë personazhi kryesor i mediave greke për modelin e tij të suksesit. Ai emigroi në Greqi në moshën 18-vjeçare dhe nisi të punojë në 2-3 punë me orare të zgjatura.
Andrea Nasto duke i rënë trompës
Nasto ka nisur të punojë kamarier, shitës karburanti, punë krahu e kopështari. Pavarësisht punës, Andrea nuk e harroi kurrë pasionin e tij, “muzikën”.
Andrea Nasto duke punuar në Greqi
46-vjeçari, Andrea Nasto ka treguar në një intervistë për Zougla.gr, sesi punonte dhe flinte vetëm 2-3 orë në ditë. Kur kthehej në shtëpi, ai studionte muzikë dhe vazhdonte shkollën. Gjatë kohës që punonte si kamerier, Andrea merrte mikrofonin dhe këndonte para klientevë të tij.
Andrea Nasto duke kënduar në restorantin ku punonte
“Në zhanrin që këndoj ka pak mundësi dhe madje më pak në Greqi. Është gjithashtu një çështje fati, i cili nuk më ka ndihmuar deri tani”, thotë Andrea për median greke.
Ai vazhdoi të punonte dhe nisi të shihte për një mundësi jashtë Greqisë. Pas një provimi ai arriti të punojë si tenor i Shtëpisë së Operës në Stokholm.
Andrea Nasto duke kënduar në Suedi
“Ajo që bëj më mbush jetën dhe shpirtin. Ndjenja pozitive më pushtojnë kur këndoj. Unë besoj tek vetja ime edhe pse kam patur shumë dështime, por është njerëzore dhe e bukur të jetosh me vuajtjet e tua. Askush nuk e di ku të con fati, ndaj provoni. Unë do të këmbëngul deri sa të vdes, sepse besoj se kur këmbëngul, në një moment do të ndodhë ajo që dëshiron”, thotë ai.
Andrea Nasto tashmë është pjesë e Operës Mbretërore të Suedisë dhe këndon në Hollin e Hotelit Britania e Madhe.
Komente
Lajme të tjera
-
“Si u arratisa për në Spanjë me 100 dollarë në xhep” Historia e suksesit e ish-balerinit të TKOB, Tomorr Kokona
15 Mars 2023, 14:15 -
E operuar 3 herë nga tumori në kokë. Historia e dhimbshme e Alketës që i shpëtoi vdekjes: Si më ndihmuan kurat e Ylli Merjes
18 Tetor 2021, 11:04 -
Astronautja shqiptare, ja pse një trup qiellor me emër shqiptar vërtitet në gjithësi
21 Maj 2020, 11:20 -
Avokatja që mbrojti çështjen ‘ Haradinaj’ në Hagë: ”Kam mësuar shumë mbi strukturat e përfshira në këtë luftë”
20 Maj 2020, 11:55
