POP 5

Lajmet më të lexuara të 5 minutave të fundit

Ekonomi

TAP, Athinë - Romë - Tiranë, tre
rregullatorët arrijnë marrëveshje

Të tre Autoritetet Rregullatorë për Energjinë: të Italisë, Greqisë dhe Shqipërisë kanë konkluduar vlerësimin e tyre në lidhje me aplikimin e TransAdriatic Pipeline (TAP AG) për përjashtim nga rregullat për hyrjen e palëve të treta dhe kushteve të tjera të Paketës së tretë. Qëndrimi dërgohet në KE.
TAP, Athinë - Romë - Tiranë, tre <br />rregullatorët arrijnë marrëveshje
TIRANE - Të tre Autoritetet Rregullatorë për Energjinë: të Italisë, Greqisë dhe Shqipërisë kanë konkluduar vlerësimin e tyre në lidhje me aplikimin e TransAdriatic Pipeline (TAP AG) për përjashtim nga rregullat për hyrjen e palëve të treta dhe kushteve të tjera të Paketës së tretë. Ato kanë arritur tashmë në një pozicion të njëjtë1dhe do t’i paraqesin Komisionit Evropian qëndrimin e tyre të përbashkët.

Përjashtimi është akorduar së bashku me kushte detyruese shtesë. Këto kushte lejojnë ushtrimin e të drejtës së hyrjes pa diskriminim të palëve të treta për të paktën 50% të kapacitetit maksimal prej 20 miliardë metrash kub/vit, me tarifa që reflektojnë kostot dhe sigurojnë pavarësinë e TAP AG si operator i sistemit të transmetimit.

Me përfundimin e ndërtimit, TAP do të jetë një interkonektor madhor, i cili do të hapë Korridorin Jugor të Gazit për furnizimin e Europës me gaz prej burimeve të Kaspikut. Këto sasi të reja gazi, parë nga një perspektivë europiane do të jenë të konsiderueshme për të reduktuar vartësinë e furnizimit me gaz të Bashkimit Europian prej burimeve tradicionale si Rusia, Algjeria dhe Norvegjia veçanërisht të kombinuara me burimet e furnizimit me gaz që importohen në Itali prej Afrikës së Veriut dhe vendeve të tjera.

Arritja e këtij vendimi ishte rezultat një bashkëpunimi të rëndësishëm nëpërmjet Autoriteteve Rregullatorë të dy vendeve anëtare të BE (Italisë dhe Greqisë) dhe Rregullatorit të një Pale Kontraktuese të Komunitetit të Energjisë (Shqipërisë) mbi bazën e paketës së tretë për energjinë.

Redaksia Online
(Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Protesta e PD-së/ Tek Zogu i Zi policia krijon një rrugë për të lehtësuar trafikun e makinave që vijnë nga ish-sheshi Shqiponja

Protesta e PD-së/ Tek Zogu i Zi policia krijon një rrugë për të lehtësuar trafikun e makinave që vijnë nga ish-sheshi Shqiponja

26 Nëntor, 17:39