POP 5

Lajmet më të lexuara të 5 minutave të fundit

Ekonomi

TAP, Panariti: S'kemi ende grup
koordinimi me Italinë e Greqinë

Azerbajxhani i vuri kusht 3 vendeve që të koordinojnë një grup pune të përbashkët, në të kundërt projekti TAP do të dështojë. Ministri i Punëve të Jashtme, Edmond Panariti tha sot se nuk ka lidhje mes TAP, dhe marrëveshjes së ujërave, pasi sipas tij janë dy probleme që do të trajtohen si çështje më vete.
AK: Kufijtë janë të paprekshëm, në të kundërt do ketë protesta
TAP, Panariti: S'kemi ende grup <br />koordinimi me Italinë e Greqinë
TIRANE – Ministri i Punëve të Jashtme, Edmond Panariti tha sot se nuk ka lidhje mes projektit të gazsjellësit TAP, dhe marrëveshjes së kufijve detar, pasi sipas tij janë dy probleme që do të trajtohen si çështje më vete.

“Progresi në njërin proces nuk do të kushtëzohet nga progresi apo jo në çështjen tjetër”, tha sot ministri Panariti.

Nëpërmjet një konference për shtyp, ministri i jashtëm u shpreh se ka marrë mbështetje politike si nga Italia ashtu edhe nga Greqia, për projektin TAP.

“Në një bisedë me ministrin e jashtëm italian, Terci, Italia do ta përkrahë këtë projekt. Edhe homologu grek ma konfirmoi në një bisedë telefonike përkrahjen që Greqia i bën projektit TAP”, tha në fjalët e tij ministri Edmond Panariti.

Por nga ana tjetër, ende nuk është ngritur një grup pune i përbashkët siç e kërkonte Azerbajxhani, ku sipas këtij të fundit, pa një marrëveshje të përbashkët mes tre vendeve (Shqipëri, Itali, Greqi), projekti i gazsjellësit TAP do të dyshonte.

Sipas Panaritit, kjo marrëveshje është e domosdoshme veç të tjerash edhe për çështje të mbrojtjes së mjedisit, ndërsa tha se “jemi në një rrugë të mbarë”.

Duke i mëshuar çështjes së marrëveshjes së ujërave, Panariti tha marrëveshja me Greqinë për TAP nuk do ndikojë çështjen e kufijve detarë pasi sipas tij, “si pikë referimi do jetë vendimi i Gjykatës Kushtetuese”.

(gre.m/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Operacioni i SPAK/ Detyrim paraqitjeje për gazetarët Artan Hoxha e Elton Qyno, dalin nga SPAK me dosje në duar

Operacioni i SPAK/ Detyrim paraqitjeje për gazetarët Artan Hoxha e Elton Qyno, dalin nga SPAK me dosje në duar

25 Nëntor, 16:23