POP 5

Lajmet më të lexuara të 5 minutave të fundit

Ekonomi

TAP siguron OK dhe zyrtarisht
Gazsjellësi, investim 40 mln euro

Pas marrjes së informacionit se projekti që do të jetë përçuesi i gazit natyror nga Azerbajxhani në Europë do të jetë TAP, sot është bërë dhe konfirmimi edhe në mënyrë zyrtare për Greqinë. Ditën e djeshme ky projekt u konfirmua në mënyrë zyrtare edhe për Shqipërinë.
TAP, konfirmohet zyrtarisht edhe për Shqipërinë
TAP siguron OK dhe zyrtarisht<br />Gazsjellësi, investim 40 mln euro
ATHINE- Gjatë një konference për shtyp të mbajtur sot nga Konsorciumi Shah Deniz (SDC) në Baku të Azerbajxhanit, kompania koncensionare e shfrytëzimit të gazit natyror në Detin Kaspik SDC konfirmoi se Gazsjellësi Trans Adriatik është përzgjedhur zyrtarisht për të transportuar gazin e fushës Shah Deniz II në Evropë, ndërkohë që në Shqipëri është përshëndetur nga të gjitha forcat politike, duke përfshirë edhe kryeministrin e ardhshëm Edi Rama, i cili pati më parë një takim të veçantë me ambasadorin e Azerbajxhanit në Shqipëri, rezident në Athinë.

Kjetil Tungland, Drejtori i Menaxhues i Projektit në TAP deklaroi me këtë rast: "Ky është hapi i parë dhe i rëndësishëm për hapjen e Korridorit Jugor të Gazit dhe, ndërsa ne shohim përpara, Korridori Jugor i Gazit do të luajë një rol të madh në sigurinë e energjisë për Evropën dhe në sigurimin e diversifikimit të furnizimit me gaz për tregjet e Evropës perëndimore dhe juglindore. Dua ta mbyll duke falënderuar të gjithë ata që kanë mbështetur TAP gjatë këtyre viteve të fundit duke bërë të mundur këtë projekt historik dhe gjeostrategjik dhe duke përgëzuar Konsorciumin e Shah Deniz që ndërmori një proces përzgjedhjeje të drejtë dhe transparent", tha ai.

Gazjellësi
TAP-i do të transportojë gaz natyror nga fusha gjigande e Shah Deniz II në Azerbajxhan për në tregjet më tërheqëse të Evropës.
Me një gjatësi përafërsisht prej 870 km, TAP do të ndërlidhet me Gazsjellësin Trans Anatolian (TANAP) në afërsi të kufirit greko-turk në Kipi, do të përshkojë Greqinë dhe Shqipërinë, si dhe Detin Adriatik duke dalë përsëri në tokë në jug të Italisë.

Korridori i TAP mund të lehtësojë furnizimin me gaz të disa vendeve të Evropës juglindore, përfshirë Bullgarinë, Shqipërinë, Bosnje dhe Hercegovinën, Malin e Zi, Kroacinë, etj.
Dalja e TAP-it në Itali, tregu i tretë për nga madhësia në Evropë, siguron shumë mundësi të mëtejshme për transportimin e gazit natyror nga rajoni Kaspik për në disa nga tregjet më të mëdha evropiane si Gjermania, Franca, Mbretëria e Bashkuar, Zvicra dhe Austria.
Aksionerët e TAP-it janë Axpo e Zvicrës (42.5%), Statoil i Norvegjisë (42.5%) dhe E.ON i Gjermanisë (15%).

Redaksia Online
(e.s/shqiptarja.com)

  • Sondazhi i ditës:
    26 Nëntor, 23:23

    A po japin rezultat protestat e PD-së?

Lajme të tjera



×

Lajmi i fundit

GJKKO liroi Berishën, avokati Gjokutaj: Del që sot nga 'arresti shtëpiak'! SPAK të bëjë ç'të dojë, i ka hipur kalit së prapthi

GJKKO liroi Berishën, avokati Gjokutaj: Del që sot nga 'arresti shtëpiak'! SPAK të bëjë ç'të dojë, i ka hipur kalit së prapthi

27 Nëntor, 10:17