POP 5

Lajmet më të lexuara të 5 minutave të fundit

Ekonomi

Tatim nga 15%-50% për hidrokarburet, financat: Deri tani tatim fitimi nuk ishte i njëjtë për çdo kompani

Kompanitë që operojnë në sektorin e operacioneve hidrokarbure do të paguajnë tatim fitim nga 15% deri në 50% nga viti 2021. Në këtë tatim do të përfshihen edhe nën-kontraktorët ndryshe nga sa ndodh aktualisht. Praktikë që deri më sot ka sjellë një gropë financiare në buxhetin e shtetit.

Komisioni i Veprimtarisë Prodhuese ka shqyrtuar nen për nen projektligjin për regjimin fiskal për sektorin e hidrokarbureve. Kjo nismë synon të parandalojë shmangien e taksave dhe tatimeve, nga kompanitë që merren me nxjerrjen e hidrokarbureve në vend.

Sipas relacionit me këtë projektligj përcaktohet edhe niveli bazë i normës së tatimit që do të jetë 15% deri në 50% për operacionet e hidrokarbureve. Tatimi do të paguhet edhe nga nën-kontraktorët që kryejnë operacione që deri më tani kanë përfituar. Niko Lera Drejtori i politikave fiskale në Ministrinë e Financave tha se shpesh shmangej pagesa e tatim fitimit

“Operacionin e hidrokarbureve ky shtet ka vendosur ta tatojë me 50% mbi fitimin. Çfarë ka ndodhur në Shqipëri deri më tani? Ka ndodhur që për shkak të këtij sistemi që me një dekret të vitit 1994 me tre nen operonte i gjithë sektori. Ju e dini mirë që shteti shqiptar nuk ka marrë asnjë lekë nga operacionet hidrokarbure, dhe një nga arsyet kanë qenë nën-kontraktorët të cilët kryenin operacione hidrokarbure”, u shpreh Niko Lera Drejtori i politikave fiskale në Ministrinë e Financave.

Lera shtoi se kjo nismë ligjore ndalon dhe evazionin fiskal.

“Potencialisht ka pas transferim të brendshëm i fitimit nga një regjim me 50% tatim në një regjim me 15% tatim sepse ndryshe nuk ka se si shpjegohet që operatori X i cili ka operuar gjithë këto vite të rezultojë me një humbje të mbartur prej 37 miliardë lekë, ndërsa nën-kontraktorët e tij apo ato që ai punësonte të realizonin një fitim prej 31 miliardë lekësh. Pra ustai humbet dhe i punësuari fiton. Dhe ne morëm ekspertizë për ta mbyllur këtë mundësi për transferim të brendshëm të fitimit”, u shpreh Lera.

Ndryshimet parashikohen të hyjnë në fuqi nga 1 janari 2021. Dhe për realizimin e këtij drafti është punuar me ekspertë ndërkombëtar, mbështetjen e FMN, departamentit amerikan të energjisë si dhe grupet e interesit.

Projektligjji

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Propozimi i PS, a na duhet një reformë e re anti-korrupsion?

Lajme të tjera



×

Lajmi i fundit

LISTA/ Cilët janë dëshmitarët që do dalin para Komisionit hetimor për të dhënat TIMS

LISTA/ Cilët janë dëshmitarët që do dalin para Komisionit hetimor për të dhënat TIMS

8 Maj, 17:56