POP 5

Lajmet më të lexuara të 5 minutave të fundit

Ekonomi

Tatimet zbarkojnë në Gjirin e Lalzit, ministrja: Nuk jemi armiq, mos e sfidoni shtetin

Ministrja tha se bizneset më me risk për evazion janë në sektorin e produkteve të akcizës dhe ndërtimi, ndërsa u bëri thirrje që të mos e sfidojnë shtetin.

DURRES-Ministrja e Financave dhe Ekonomisë Anila Denaj ishte në Gjirin e Lalzit ditën e sotme në kuadër të aksionit anti-informalitet që është ndërmarrë në javën e fundit në të gjithë vendin pas deklaratave të forta të kryeministrit Edi Rama në prezantimin e drejtoreshës së re të Tatimeve. Denaj informoi se janë evidentuar disa sektorë, të cilët paraqesin një risk potencial të evazionit fiskal, si dhe në mos regjistrimin e punonjësve, ndërsa u bëri thirrje që të mos e sfidojnë shtetin.

"Ju duhet të respektoni rregullat. Nëse inspektimi ka konstatuar shkelje ju keni të drejtë të ankoheni dhe të penalizojmë këdo që ka shkelur ligjin edhe nga ana jonë. Ne duhet të mendojmë si të bashkëpunojmë dhe jo si të jemi armiq. Ejani të ulemi dhe të flasim. Nëse ka denoncim, si në Gjirokastër, pas denoncimit të dy punonjësve që kërkuan para janë pezulluar. Jemi angazhuar në një plan operacional shumë dimensional. Pavarësisht akuzave, kjo është luftë për mbështetje të biznesit të ndershëm.

Regjistroni cdo aset si kasa fiskale për të dhënë kuponin. Edhe për punonjësit, duhet ta marrin rrogën në llogari. Të vendosësh shirit nuk është aspak e këndshme në mes të sezonit është e dhimbshme, por është e nevojshme për të përcaktuar që biznesi duhet të ece drejt ligjshmërisë. Është e nevojshme që të themi se kur ka shkelje do të ketë edhe masa.

Janë evidentuar tre sektorë me risk për evazion fiskal, janë 453 subjekte në sektorin e produkteve të akcizës, 270 në sektorin e ndërtimit që janë evidentuar me risk. Ju lutem mos e sfidoni shtetin" tha ajo. Ndërkohë që Rama edhe sot ka publikuar disa foto të bizneseve që janë mbyllur pasi janë kapur me shkelje në evazion fiskal.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Dha dorëheqjen si kryebashkiak i Shkodrës? Reagon Benet Beci: Kush do të merret me llafe të merret me llafe

Dha dorëheqjen si kryebashkiak i Shkodrës? Reagon Benet Beci: Kush do të merret me llafe të merret me llafe

5 Nëntor, 11:15 nga Ergys Kavaja