POP 5

Lajmet më të lexuara të 5 minutave të fundit

Ekonomi

Tatimi i biznesit të vogël, ja sa
do të paguajë për vitin 2014

Drejtoria e Përgjithshme e Tatimeve ka gati një udhëzues që u vjen në ndihmë subjekteve për deklarimet e të ardhurave dhe shpenzimeve.
Tatimi i biznesit të vogël, ja sa<br />do të paguajë për vitin 2014
TIRANE- Drejtoria e Përgjithshme e Tatimeve ka gati dokumentet që duhet të plotësojë një biznes i vogël për të qenë në zbatim të plotë të ligjit. Një manual përdorimi do t'u vijë në ndihmë bizneseve për deklarimet e të ardhurave dhe shpenzimeve, plotësimin e librave të shitjeve dhe faturave tatimore, si dhe mënyrën e përllogaritjes së detyrimeve ndaj shtetit.
 
Pagesa e parë e tatimit të thjeshtuar mbi fitimin për biznesin e vogël, ka si afat të fundit datën 10 shkurt 2014 dhe kryhet te bankat e nivelit të dytë për llogari të administratës tatimore qendrore, e cila më pas i alokon këto fonde për llogari të pushtetit vendor.
 
Niveli i tatimit për subjektet e tatimit të thjeshtuar mbi fitimin me qarkullim vjetor nga 0 deri në 2 milionë lekë, është 25 milë lekë në vit. Shkalla tatimore e aplikueshme mbi fitimin e tatueshëm, për subjektet e biznesit me qarkullim nga 2 deri në 8 milionë lekë, është 7.5% mbi fitimin e tatueshëm.

Tatimi i llogaritur në bazë të deklaratës vjetore të të ardhurave të tatueshme, duke i zbritur parapagimet e bëra gjatë periudhës tatimore, paguhet nga tatimpaguesi në llogarinë e organeve tatimore, në çastin e paraqitjes së deklaratës vjetore. Deklarata dorëzohet në drejtorinë rajonale tatimore ku është i regjistruar tatimpaguesi dhe plotësohet për të dhënat sipas formatit bashkëlidhur këtij udhëzimi.

Bazuar në shumën vjetore të parapagimeve llogariten katër këste të parapagimit të tatimit të thjeshtuar. Llogaritja e kësteve të tatimit të thjeshtuar nga ana e drejtorisë rajonale tatimore i njoftohet tatimpaguesit brenda datës 1 prill të çdo viti.

Tatimi për subjektet e tatimit të thjeshtuar mbi fitimin
Tatimit sipas xhiros                             Shuma në lekë
Me xhiro 0- 2 mln lekë                           25 mln lekë në vit
Me xhiro 2- 8 mln lekë                           7.5% mbi fitimin e tatueshëm
 
 
Pagesat e kësteve të tatimit të thjeshtuar mbi fitimin
1. Kësti i I                  Pagesa brenda datës 20 prill 2014
2. Kësti i II                 Pagesa brenda datës 20 korrik 2014
3. Kësti i III                Pagesa brenda datës 20 tetor 2014
4. Kësti i IV               Pagesa brenda datës 20 dhjetor 2014  

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04