POP 5

Lajmet më të lexuara të 5 minutave të fundit

Ekonomi

COVID-19, Konfindustria: Tatimi mbi dividendin të bëhet 20%, të rritet edhe për ata që rritën të ardhurat në këtë situatë

Konfindustria kërkon nga qeveria që të rrisë tatimin mbi dividendin në masën e 20% për të gjitha kompanitë e mëdha që kanë kontrata PPP, apo koncesione.

Konfederata e industrive shqiptare ka kërkuar ditën e diel që qeveria të rritë në masën e 20% tatimin mbi dividendin për të gjithë kompanitë, që punojnë në tregje të mbyllura me privilegje shtetërore si PPP, koncesione, apo licenca ekskluzive. Nga ana tjetër, është propozuar edhe rritja e tatimit mbi fitimin për të gjithë ata subjekte që kanë rritur të ardhurat e tyre duke përfituar nga gjendja e jashtëzakonshme.

Një ditë pasi kryeministri Edi Rama njoftoi se nga dita e hënë do të zgjatet orari për të dalë jashtë shtëpisë, do të autorizohen më shumë makina private që kanë autorizim kompanie, si dhe do të shtohet lista e bizneseve që do hapen, por ashpërsohen ndëshkimet deri në burg apo konfiskim malli për shkelësit, Konfindustria kërkon nga qeveria që të fillojnë normalizimi i situatës me qëllim zbutjen e pasojave të krizës. Sipas njoftimit të Konfindustrisë duhet të fillojë hapja e bizneseve dhe në rajonet gjeografike të paprekura ose të prekuara pak nga epidemia gjendja ti afrohet normalitetit.

Po ashtu kërkohet që të rishikohet paketa financiare e ndihmës për bizneset për të gjitha kategoritë, si dhe të lehtësohen nga detyrimet fiskale, taksa vendore dhe qendrore për kategoritë e ndaluara prekuara me ligj të bizneseve dhe punëmarrësve përkatës. Njoftimi vijon më tej duke shtuar se ka filluar shfaqja e shenjave të falimentimit të një numri të madh sektorësh të ekonomisë në kushtet e përballjes me pandeminë COVID 19.

Po ashtu në njoftim këshillohet qeveria që të kontrollojë daljet valutore jashtë vendit si dhe të orientojë shpenzimet buxhetore drejt bizneseve prodhuese kryesisht në sektorin e bujqësisë dhe agroindustrisë.

Ne.k.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça