Gjykata Kushtetuese do të dalë me një vendim brenda muajit nëse do ta shfuqizojë apo jo ligjin për tatimin e profesionistëve të lirë.
“Trupa gjykuese tërhiqet për të marrë vendim. Data dhe ora e shpalljes së vendimit do ju njoftohet sipas parashikimeve ligjore”, tha kryetarja e Gjykatës Kushtetuese Holta Zaçaj.
Në seancën e fundit për shqyrtimin e 4 kërkesave për shfuqizimin e pjesshëm të ligjit që parashikon tatimin e profesionistëve të lirë në Gjykatën Kushtetuese u paraqitën konkluzionet pro dhe kundër për këtë ligj.
Përpara trupës gjykuese, pala akuzuese përsëriti deklaratat e seancës së parë, duke e konsideruar tatimin diskriminues dhe anti-kushtetues.
“Në këto 11 vite ka ndodhur një ç‘edukim fiskal dhe një papërgjegjshmëri fiskale që ka prodhuar më tej rritje të informalitetit dhe dëmtuar ekonominë e vendit. Jo vetëm që cenon sigurinë juridike, lirinë e tregut por është edhe diskriminues”, u shpreh Jorida Tabaku.
“Profesionet e lira sipas këtij ligji i ushtrohen tatimit që prej janarit 2024, ndërsa të gjithë të vetëpunësuarit e tjerë që janë me të njëjtin lloj aktiviteti do tatohen në 2030. Kemi një diferencim në bazë profesioni i cili është i paarsyeshëm”, tha avokati Armando Toslluku.
Pretendimet e akuzës, sipas përfaqësuesve të qeverisë dhe kuvendit nuk janë të faktuara.
“Pala kërkuese nuk ka paraqitur asnjë kërkesë shkak pasojë që të vërtetojë mes fillimit të aplikimit të tatimeve, dhe pezullimeve. Nuk është faktuar nga kërkuesit se aplikimi i tatimit mbi të ardhurat sipas këtij ligji të jetë një barrë e rëndë sa mos të ushtrojnë aktivitetin”, tha Ervina Domi, përfaqësues e Kuvendit.
“Nuk është provuar se si përmes dispozitave ligjore të cituara, cenohen parimet ligjore dhe kushtetuese”, tha avokatja e shtetit Irma Qosja.
Përfaqësueset e Kuvendit dhe Këshillit të Ministrave thanë se tatimi i profesionistëve erdhi si rezultat i abuzimeve të bëra, dhe se brenda pak vitesh këtë tatim do e paguaj edhe biznesi i vogël.
“Të ardhurat e këtyre subjekteve në 5 vitet e fundit sipas vetë-deklarimeve të profesionistëve janë 3 miliardë dollarë ku fitimi neto është 1.7 miliardë dollarë, që përkthehet në mungesë tatimi në buxhetin e shtetit 25 miliardë lekë. Kemi argumentuar efektet negative dhe devijimet që ka sjellë skema përjashtuese e kësaj kategorie, si rritja e lartë e numrit të të vetë paguesve, mos zgjerim biznesi, stopim i rritjes së punësimit në listë pagesa duke krijuar skema për të shmangur tatimin dhe për të përfituar padrejtësisht nga lehtësia fiskale”, tha përfaqësuesja e Kuvendit.
Ky kufizim do të jetë për një periudhë të shkurtër kohore pasi me 1 janar 2030 do të aplikohet e njëjta normë tatimore për të gjithë të vete punësuarit ashtu edhe për profesionistët e lirë”, tha avokatja e shtetit Irma Qosja. Në përfundim të seancës, deputetja Jorida Tabaku tha se pret vendim të drejtë nga Kushtetuesja.
“Unë besoj dhe shpresoj që Gjykata Kushtetuese do të mbrojë të mirën publike, dhe do të bëhet në krah të profesionistëve të lirë. Do të marrë vendim për të gjykuar se taksa është anti-kushtetuese”, tha deputetja Jorida Tabaku.
Janë 25 mijë profesionistë sipas tatimeve që preken nga ligji i ri i cili parashikon tatimi me fasha 15% kush ka fitim deri 14 milionë lekë dhe 23% kush fiton mbi këtë shumë. Në një seancë maratonë që zgjati rreth 7 orë Gjykata Kushtetuese shqyrtoi kërkesat për shpallje anti kushtetuese të tatimet për profesionet e lira më 18 qershor. PD dhe shoqatat flasin për shkatërrim të profesionistëve, me tatim të lartë, jo ligjor dhe diskriminues. Kërkesa për të shfuqizuar tatimin u bë nga Partia Demokratike, ekspertët e licencuar, kontabilistët dhe avokatët, (kërkesat e të cilëve u bashkuan në një të vetme).
Lajme të tjera
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Pse priti deri në fund Berisha, çfarë shpresonte?
22 Nëntor, 13:08
-
Gjykata Kushtetuese i rrëzoi ankimin, Berisha e sulmon: Trupë puçiste, vendimi pjesë e grushtit të shtetit! Njofton 26 nëntorin si protestën e radhës
22 Nëntor, 13:01 -
Dosja Partizani/ Berisha 326 ditë 'burg' në shtëpi, Bardhi i del në krah, i kërkon GJKKO-së: Hiqni 'arrestin shtëpiak'! Kryetari i PD-së mbrojti Kushtetutën, po e pengoni për fushatën
22 Nëntor, 12:02 -
Dosja 'Partizani'/ Gjykata Kushtetuese rrëzon Berishën dhe legjitimon SPAK: 'Për detyrimin me paraqitje' nuk nevojitej autorizimi i Kuvendit! 'Ndalimi jashtë shtetit' i panevojshëm! Masa 'arrest shtëpiak' shqyrtohet në seancë tjetër (VENDIMI)
21 Nëntor, 19:10 -
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
Afera ‘Partizani’/ Berisha kërkon shfuqizimin e masës së sigurisë, mbyllet shqyrtimi në Kushtetuese! Pritet vendimi në ditët në vijim
19 Nëntor, 13:17 -
Kuvendi debat për vrasjen e 14-vjeçarit, Zhupa: Manastirliu të dorëhiqet, ku e çuat 'Paketën e Sigurisë' në shkolla? Balla: Mos bëni politikë, na jepni votat ta miratojmë! PD 1 minutë heshtje pa PS
19 Nëntor, 07:25 -
Përplasja Kushtetuese/ Komisioni i Venecias nis misionin fakt-mbledhës për çështjen Xhaçka! 4 grupet parlamentare dëgjohen online, opinioni jepet në mes dhjetorit
18 Nëntor, 14:00 -
Avokatët që çuan në Kushtetuese Sky Ecc, kërkojnë edhe shfuqizimin e një prej dispozitave që vë në përgjim gjyqtarët dhe prokurorët! Seanca në datën 19 nëntor
13 Nëntor, 12:29
-
Buxheti 2025/ Gjykata Kushtetuese kërkon rreth 15 mln lekë më shumë! Papandile: Numri i ankimeve është rritur, kemi nevojë për punonjës
13 Nëntor, 11:10
