SELENICË- “Na vjen të qajmë sa herë hapim televizorin, familje shumë e mirë.” Banorët në Selenicë të Vlorës kanë qenë në sinkron për autorin e vrasjeve makabre në Itali, Taulant Malaj. Ndonëse, 45-vjeçari vrau vajzën, fqinjin e vetë Massimo De Santis 20 herë me teh çelësi dhe ka plagosur gruan, të gjithë fqinjët e përshkruajnë si familje të mirë dhe shumë të varfër.
Sipas rrëfimit të disa banorëve në fshat, Taulanti së bashku me Teftën e cila jetonte në Babic të Vlorës, bënë fejesën në atdhe dhe më pas emigruan, përkatësisht rreth vitit 1997. Banorët thonë se prej vitesh ata nuk janë kthyer në vendlindjen e tyre, dera e shtëpisë së tyre, vijon të jetë e mbyllur me dry.
“Na ka ardhur shumë keq, sa herë hapim televizorin na vjen për të qarë. Ka që në 1997 që ka ikur. Familje shumë e mirë”- tha një banore.
Disa nga fqinjët në Selenicë kanë shprehur keqardhje madje edhe janë prekur nga ngjarja e rëndë. Një banore tregoi se Taulanti është rritur në kushte shumë të vështira ekonomike, madje kishte raste që mund të kalonin edhe ditë të tëra pa u ushqyer.
“Shikonin punën e tyre, hallin e tyre, kush u jepte ndonjë kafshatë bukë. Ka 20 vjet që është martuar dhe iku, këtu bëri fejesën e më pas iku. Ata ishin familje e mirë, më erdhi për të qarë. Fukarenj, herë të ngrënë herë pa ngrënë. Tefta rrinte në Babicë. Na ka ardhur keq, se janë rritur shumë të varfër.”- vijoi banorja tjetër.
Disa të tjerë ende nuk e besojnë se kjo ngjarje ka ndodhur.
“E kemi njohur si njeri të mirë. Kanë qenë djem nga më të mirët. Taulantin se njoh, po vëllezërit e tij po. Janë diku 3-4 vëllezër. Di që kanë ikur që këtej, po se ku janë nuk e di. Nuk e prisnim diçka të tillë nga ata.”
Ka edhe nga ata që mendojnë se Taulanti mund të kishte vepruar ndryshe.
“Familje e rregullt, s’kanë qenë problematik. S’kanë pasur nivel arsimor, por të rregullt. Na erdhi keq, se mund të zgjidhej ndryshe, nuk e di ai ashtu e ka gjykuar po... fatkeqësi e rëndë.”- përfundoi një tjetër.
Si ndodhi ngjarja e rëndë
45-vjeçari xheloz, Taulant Malaj është autori i dy vrasjeve të rënda. Fillimisht vrau në hyrjen e pallatit fqinjin italian Massimo De Santis, të cilin e goditi me rreth njëzet goditje me teh çelësi. Ai u qëllua në gjoks, bark dhe kokë: nuk kishte shpëtim për të. Më pas shkoi në shtëpi për të vrarë gruan, por ishte vajza që i doli përpara babait të cilin po përpiqej ta ndalte por mbeti e vdekur. Djali 5 vjec ishte fshehur pas divanit dhe nuk u lëndua ndërsa Tefta u plagos. Ishte vetë ajo që ngriti alarmin duke njoftuar policinë që ndaluan shqiptarin ende të gjakosur.
Pas krimit të rëndë shqiptari ka xhiruar me celularin e tij një video menjëherë pas atentatit, duke filmuar fillimisht trupin e pajetë të burrit dhe më pas ka filmuar vajzën e tij dhe gruan e tij në gjendje gjysmë të ndërgjegjshme. Videoja i është dërguar nga burri një bashkatdhetari me banim në Italinë veriore i cili ka lajmëruar menjëherë policinë lokale dhe me shumë gjasa ua ka dërguar pamjet edhe personave të tjerë të identifikuar, të cilët nga ana e tyre kanë shpërndarë videon nëpërmjet internetit.
Arsyeja e këtij krimi ishte se 45-vjecari bukëpjekës shqiptar kishte dyshime se italiani dhe gruaja e tij kishin një lidhje intime.
Raportoi për Report Tv dhe Shqiptarja.com, gazetari Armand Xhelili
Massimo De Santis, Tefta Taulant dhe Jessica Malaj
Taulant Malaj
E afërmja e Tefta Malajt në Babicë të Vlorës, është prononcuar për Report Tv është shprehur e tronditur për ngjarjen e rëndë.
“Njerëz të mirë shumë. U tronditëm, ne tronditemi për ndonjë gjë të vogël jo për një njeri që vritet.”- tha ajo.
“Ne i kemi në lagje, po në përgjithësi janë njerëz të mirë. Qoftë i ati, qoftë e ëma, na vjen keq, jemi të tronditur, ne një familjarë, ajo është fatkeqësi”, tha një tjetër.
Komente
Lajme të tjera
-
Në Himarë babagjyshi vjen nga deti, parada dhe koncerti festiv (VIDEO)
25 Dhjetor, 13:12 -
Çelet tenderi 95 mln lekë për projektin e rehabilitimit të hekurudhës Rrogozhinë-Vlorë dhe lidhjen me aeroportin
25 Dhjetor, 12:39
-
Kreu i Burgjeve dhe kryebashkiaku i Vlorës firmosin marrëveshje: Ndihmë të dënuarve që të riintegrohen në shoqëri dhe për një fillim të ri
24 Dhjetor, 20:29 -
Emigrantët kthehen për festa! Çdo ditë mbi 1 mijë pasagjerë mbërrijnë në portin e Vlorës
24 Dhjetor, 16:12
-
Sarandë/ Konflikt në familje, gruaja vret burrin në fshatin Metoq (EMRAT)
24 Dhjetor, 08:47 -
Vlorë/ Plagosi me thikë 19 vjeçarin, arrestohet 44 vjeçari! I riu te Trauma
23 Dhjetor, 17:58 -
Vlorë/ Sekuestrohen rreth 32 mijë euro cash në port, procedohen 2 shoferët! Ishin fshehur në sediljen e autobusit të agjencisë së udhëtimit
23 Dhjetor, 16:09 -
Selenicë, Guri Selimi rrezikon jetën, prej vitesh i braktisur! 77-vjeçari pa strehë, pa ushqim e veshje endet rrugëve
23 Dhjetor, 10:08
-
Moti i keq, frika nga reshjet e dendura, bashkia Vlorë bën thirrje qytetarëve: Mos parkoni makinat në këto zona
23 Dhjetor, 09:09 -
Moti i keq pezullon nisjen e tragetit në Vlorë, mbetet në radë
23 Dhjetor, 08:01 -
Vlorë/ U gjet i vdekur në banesë, 68-vjeçari i vetmuar pësoi arrest kardiak! U gjet pas 12 orësh
22 Dhjetor, 19:26
-
SPECIALE/ Mjalti, biznesi i ëmbël që prodhon produkt të shtrenjtë
22 Dhjetor, 18:05
dythundrak vlore, malok ne gjeneze.
PërgjigjuJa pra qe maloket sjane me te keqij se ky labi psiqik qe as kafsha nuk e ben ate qe beri ky. Turp e faqja zeze. Plehre
PërgjigjuPer te arrdhur keq per te gjithe. Por nuk jane as lab dhe as malok Jane çoban flasin romunshe. Me pak fjal nuk jan shqiptar