Taulant Xhaka: Familja ime 150% bën
tifo me Zvicrën, Granitin do ta ndal

Taulant Xhaka në një intervistë të fundit para ndeshjes me Zvicrën tregon se për cilin ekip do të bëjë tifo familja e tij. “Babai është 50 me 50. Mamaja bën tifo 100% për Zvicrën. Fakti që 150% e familjes bëjnë tifo për Zvicrën, më japin edhe më shumë kënaqësi nëse do të fitoj me Shqipërinë”shprehet ai.

Në vazhdim Taulanti tregon emocionet para ndeshjes ku do të ketë përballë vëllanë e tij me Zvicrën, Granitin. “Nëse do të më duhet, do t’i shkaktoj edhe faull, vetëm që të mos na shënojë” paralajmëron mesfushori.
 
 Taulanti shpjegon se pavarësisht zgjedhjes së ngjyrave kuqezinj, “Shtëpia ime është në Zvicër, pasi u linda dhe u rrita aty.
 
Në Zvicër mora gjithçka që më nevojitej: shkollën, futbollin, miqtë. Zvicra është vendi i mundësive, por unë nuk i harroj asnjëherë rrënjët e mia. Nuk do ta fsheh kurrë origjinën time” përfundoi ai.


d.b/shqiptarja.com