Receta

Tava e Gjakovës me mish dhe perime nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 11 Tetor 2023, 12:14 | Përditesimi: 11 Tetor 2023, 12:16

Tava e Gjakovës

Përbërësit:

4-5 racione mish viçi
4-5 qepë
2-3 karrota
2 kunguj
2 patëllxhanë
3 speca jeshil
1 spec djegës
1 kg domate
6 thelpinj hudhra
4-5 lgj vaj ulliri
Kripë, piper i zi, piper i kuq
Majdanoz i freskët

Përgatitja:

LEXO EDHE:
Melomakarona, biskota me arra dhe mjaltë të sherbetosura nga zonja Albana

Vendosim në zjarr mishin që të ziejë. Në një tenxhere tjetër kaurdisim mirë qepët, më pas shtojmë specin djegës dhe specat jeshile. Vijojmë kaurdisjen duke shtuar karrotat e prera në kubikë, kungujt e njomë dhe patëllxhanët gjithashtu në kubikë. Ndërkohë domatet e grira i vendosim në një tavë, i spërkasim me kripë, piper të zi, piper të kuq, vaj ulliri. Shtojmë thelpinjtë e hudhrës dhe majdanozin e grirë dhe i vendosim në furrë për 30 minuta duke i trazuar herë pas here.

Më pas, perimet e kaurdisura i shtojmë në tavën me domate dhe i përziejmë të gjitha bashkë. Vendosim racionet e mishit, shtojmë në tavë dhe një gotë lëng mishi dhe e vendosim të piqet në furrë.

MC/Shqiptarja.com

TAG: