Receta

Tavë me lakër arme dhe kimë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 20 Nëntor, 11:07 | Përditesimi: 20 Nëntor, 11:15

Tavë me lakër arme dhe kimë

Përbërësit:

1 kg lakër arme
500 gr mish të grirë
100 gr oriz
2 qepë të mëdha
3 domate të grira
4 lugë supe vaj misri
4 lugë supe vaj ulliri
3 lugë salcë domatesh
1 tufë majdanoz
1 lugë kafeje piper i zi
1 lugë kafeje piper i kuq
Kripë, pak trumzë

Përgatitja:

LEXO EDHE:
Pulë me oriz në furrë nga zonja Albana

Fillimisht veçojmë nga lakra arme të gjitha gjethet e mira të saj, duke i pastruar nga koçanët. Grijmë në kubikë të vegjël qepët dhe i kaurdisim në një tigan me vaj. Skuqim aty edhe mishin e grirë duke shtuar pak kripë, domaten e grirë, salcën e domates dhe i trazojmë të gjitha derisa të formohet një kima e shijshme. Grijmë majdanozin dhe shtojmë orizin dhe trumzën, duke e provuar edhe për kripën. Në tavë shtrojmë nga një gjethe lakër arme në gjithë sipërfaqen. Hedhim mbi to kima dhe përsëri shtrojmë gjethe armeje. Veprojmë kështu me 4-5 shtresa e në fund shtrojmë gjethet më të mëdha e të bukura. E presim në katrorë si pastiço dhe e spërkasim përsipër me piper të kuq dhe 4 lugët e vajit të ullirit. Hedhim ujë të nxehtë deri afër sipërfaqes dhe e vendosim për ta pjekur në 200 gradë, për 45-50 minuta, derisa ta pijë lëngun.