Receta

Tavë me makarona elb me qofte dhe salcë të kuqe nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 8 Janar, 11:48 | Përditesimi: 8 Janar, 11:51

Tavë me makarona elb me qofte dhe salcë të kuqe

Përbërësit:

400 gr mish i grirë
1 kokërr vezë
3-4 lugë gjelle galetë
1 thelpi hudhër
2 lugë gjelle majdanoz
Kripë dhe piper
Pak vaj ulliri për skuqje

Për makaronat me speca:

LEXO EDHE:
Patëllxhanë të skarës në vaj e spec djegës nga zonja Albana

250 gr makarona elb
1 spec i kuq
1 spec i verdhë
1 spec jeshil
1 qepë e vogël
2 thelpinj hudhër
3 lugë gjelle vaj ulliri
150 ml lëng domate / salcë domate
1 lugë çaji rigon ose borzilok
Kripë, piper sipas shijes

Përgatitja:

Fillimisht përgatisim qoftet. Në një tas të madh, përziejmë mishin e grirë me vezën, galetën, hudhrën, majdanozin, kripën dhe piperin. Formojmë qofte të vogla dhe i skuqim në një tigan me pak vaj ulliri derisa të marrin një ngjyrë të artë. Ndërkohë ziejmë makaronat elb sipas udhëzimeve në paketim dhe i kullojmë. Në një tigan të madh, ngrohim vajin e ullirit dhe kaurdisim qepën dhe hudhrën derisa të zbuten. Shtojmë specat e prera në shirita dhe i gatuajmë për 5-7 minuta derisa të zbuten pak, por të ruajnë krokantësinë. Shtojmë lëngun e domates, rigonin, kripën dhe piperin, dhe e lëmë për 3-4 minuta derisa salca të trashet pak. Shtojmë makaronat elb në salcë dhe i përziejmë mirë. Vendosim qoftet mbi përzierjen e makaronave dhe specave, duke siguruar që të përthithen pak nga salca.

MC/Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com