TCH: 100 mln € për laboratorët
MSH: Deformuat vlerat e kontratës

Në një kronikë televizive, Top Channel pretendon se koncesioni i ri është 100 milionë euro, ndërsa në total do investohen 9.9 milionë euro, duke bërë që fitimi për kompaninë të jetë plot 90 milionë euro. Por Ministria e Shëndetësisë akuzon Top-channel se ka deformuar vlerat e kontratës. "Kompania që ka fituar për 10 vjet koncesionin e laboratorëve me vlerë 100 milionë euro, do të investojë në total vetëm 9.9 milionë euro. Diferenca rreth 90 milionë euro për 10 vitet e ardhshme do të jenë kostot operacionale dhe fitimi i kompanisë", thotë Top-channel.

Në një reagim për mediat, Ministria e Shëndetësisë pretendon se shteti do jetë përfitues nga koncesioni për analizat laboratorike. Sipas MSH, Top-Channel nuk ka pasqyruar vlerat e vërteta që parashikon kontrata. “Vumë re me keqardhje në edicionin e lajmeve të Top Channel një pasqyrim të deformuar të vlerave të kontratës së partneritetit publik-privat për shërbimin e ri laboratorik të analizave FALAS në të gjitha spitalet universitare, rajonale dhe dy spitale bashkiake në vend.

Nëpërmjet këtij partneriteti shteti është përfitues i investimit fillestar në infrastrukturë spitalore dhe pajisje mjekësore laboratorike në vlerën 7 milion Euro (pa TVSH), plus shërbime operacionale, si dhe ri-investimin pas 7 vitesh në vlerën 2.9 mln euro (pa TVSH), duke mbuluar nevojat për shërbimin laboratorik FALAS për qytetarët. Pas përfundimit të kontratës me afat 10 vjeçar me vlerë 9.058 miliard lekë (66 milion Euro) i gjithë investimi i mbetet shtetit duke krijuar kështu një standart të ri të shërbimit laboratorik në spitalet publike, të certifikuar sipas standarteve europiane dhe siguri në shërbimin e ofruar për qytetarët”, thuhet në reagimin e MSH.

LEXO EDHE:
E rëndë në Prishtinë, 41-vjeçarja ndërron jetë pas dhunës nga bashkëshorti! Qëndroi 3 ditë në koma

Reagimi i plotë i MSH:

“Vumë re me keqardhje në edicionin e lajmeve të Top Channel një pasqyrim të deformuar të vlerave të kontratës së partneritetit publik-privat për shërbimin e ri laboratorik të analizave FALAS në të gjitha spitalet universitare, rajonale dhe dy spitale bashkiake në vend.

Sqarojmë se për 27 vjet shteti ka mbuluar në spitalet publike universitare, rajonale dhe bashkiake nga 20 - 70 lloje analizash, një gamë shumë më e reduktuar sesa gama e re që do garantojnë laboratorët e rinj. Sidoqoftë, shërbimi i cunguar me 20 - 70 lloje analizash të ofruara dhe me një gamë të reduktuar analizash, i kushton shtetit 5.4 milion Euro/vit. Ndërkohë që falë partneritetit publik-privat, shteti do të garantojë mbulimin e shërbimit laboratorik me 164 teste (të cilat përmbajnë një ose më shumë lloj analize) me progresion rritës 5 teste/vit, pra 3 herë më shumë nga çfarë ofrojmë aktualisht me vlerë mesatare 6,6 mln Euro/vit.

Nëpërmjet këtij partneriteti shteti është përfitues i investimit fillestar në infrastrukturë spitalore dhe pajisje mjekësore laboratorike në vlerën 7 milion Euro (pa TVSH), plus shërbime operacionale, si dhe ri-investimin pas 7 vitesh në vlerën 2.9 mln euro (pa TVSH), duke mbuluar nevojat për shërbimin laboratorik FALAS për qytetarët. Pas përfundimit të kontratës me afat 10 vjeçar me vlerë 9.058 miliard lekë (66 milion Euro) i gjithë investimi i mbetet shtetit duke krijuar kështu një standard të ri të shërbimit laboratorik në spitalet publike, të certifikuar sipas standardeve europiane dhe siguri në shërbimin e ofruar për qytetarët. Me bindjen që redaksia juaj e lajmeve do të mbështetet në këtë sqarim për të pasqyruar me vërtetësi vlerat financiare si edhe përfitimin publik të kësaj kontrate, ju urojmë punë të mbarë".

Redaksia Online
l.q/Shqiptarja.com

Sondazhi i ditës:

Si do e drejtojë Kuvendin Elisa Spiropali krahasuar me Lindita Nikollën?

• Më mirë

  30%

• Njësoj

  16.5%

• Më keq

  53.5%

Vota total: 5688

Votat totale janë unike

• Sondazhi i ditës:

  Si do e drejtojë Kuvendin Elisa Spiropali krahasuar me Lindita Nikollën?

  Më mirë Njësoj Më keq