POP 5

Lajmet më të lexuara të 5 minutave të fundit

Ekonomi

Të ardhurat bien me 2.3%, nuk përmirësohet konsumi! Janar-shkurt 2021 u mblodhën 13,4 mln € më pak se në 2020

Të ardhurat në dy muajit e parë të vitit janë ulur me 2.3%, krahasuar me vitin e kaluar. Sipas të dhënave të Ministrisë së Financave në janar-shkurt të këtij viti rënia më e madhe në raport me planifikimin është tek TVSH-ja, duke dëshmuar përkeqësim të konsumit.

Në dy muajit e parë të vitit janë mbledhur në total 69,5 miliardë lekë, me një rënie prej 2.3%, ose minus 1.6 miliardë lekë në raport me një vit më parë kur vendi nuk ishte nën pushtetin e pandemisë COVID-19.

Edhe pse rënia është e ulët krahasuar me recesionin që pësoi ekonomia në vitin e kaluar, problem shfaqet konsumi i qytetarëve. Edhe pse shpresat për rikuperimin ekonomik janë të varura nga rritja e konsumin dhe tek rritja e të ardhurave nga TVSH-ja, performanca është negative.

Në planifikimin e buxhetit për vitin 2021, Ministria e Financave priste që nga TVSH-ja në dy muajit e parë të vitit të mblidheshin 25,9 miliardë lekë, ndërkohë që janë mbledhur 4,2 miliardë lekë më pak, duke treguar një ecuri të dobët të konsumit që edhe në vitin e kaluar ishte në nivel anemik.

Nga ana tjetër si pasojë e heqjes së tatim-fitimit për bizneset e vogla me xhiro deri në 14 milionë lekë, kanë rënë të ardhurat me 7.7% nga planifikimi fillestar i buxhetit, dhe me 17.6% në raport me janar – shkurt 2020.

Ndërkohë që të dhënat tregojnë një përmirësim të situatës me punësimin, pasi të ardhurat nga tatimi mbi pagën janë rritur në dy muajit e parë të vitit. Sipas të dhënave të ministrisë së Financave në këtë periudhë janë mbledhur 6,4 miliardë lekë nga 6,1 miliardë në vitin e kaluar.

Masat pjesërisht shtrënguese të diktuara prej pandemisë COVID-19, duket se kanë frenuar edhe shpenzimet e planifikuara. Bazuar në të dhënat fiskale shpenzimet nuk janë realizuar në raport me planifikimin me mbi 8 miliardë lekë, ndërsa krahasuar me vitin 2020 janë ulur me 1.9 miliardë lekë. Konkretisht në janar-shkurt totali i shpenzimeve ishte 62.9 miliardë lekë, nga 64.8 miliardë lekë në vitin 2020.

I.K/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

GOLAT/ Shkëlqen Mbappe, Real Madrid fiton 4-2 kundër Sevillas dhe lë Barçën në vendin e tretë

GOLAT/ Shkëlqen Mbappe, Real Madrid fiton 4-2 kundër Sevillas dhe lë Barçën në vendin e tretë

22 Dhjetor, 18:23