Të dielën, i madhi Dritëro Agolli
përcillet drejt banesës së fundit

TIRANE-Ditën e dielë (Nesër) do i jepet lamtumira mjeshtrit të letrave shqipe Dritëro Agolli.

Ministria e Kulturës ka bërë të ditur vendimin e marrë nga Komisioni Shtetëror për homazhet e Dritëro Agollit, të cilat do të mbahen të dielën në Pallatin e Kongreseve nga ora 10.30-13.00.

Akademiku dhe shkrimtari i i njohur u nda nga jeta më 3 shkurt, në moshën 85-vjeçare.

Jeta dhe vepra e tij i kanë dhënë botës shqiptare aq shumë dashuri dhe virtyt sa emri dhe nderimi ndaj tij do të mbijetojë nëpër kohëra.

Ai ishte për shumë vite kryetar i Lidhjes së Shkrimtarëve dhe Artistëve gjatë regjimit komunist, gazetar i shtypit të asaj kohe dhe deputet për afro 3 dekada në tranzicionin mes dy sistemeve politike.

Agolli është i njohur për lirikat e ndjera të dashurisë njerëzore dhe atdhetare, kushtuar njeriut dhe vendlindjes.

(d.b/Shqiptarja.com)