POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Fole me kadaif të mbushur me fruta të thata dhe Bërxolla viçi me perime në furrë

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Fole me kadaif të mbushur me fruta të thata

Përbërësit:

300 gr kadaif

100 gr arra

100 gr bajame

50 gr rrush i thatë

40 ml liker ose ujë

3 lç sheqer

150 gr gjalp i tretur

Shërbeti:

2 gota sheqer

1 e ½ gotë ujë

2 feta limon

Kanellë ose karafil

Përgatitja:

Kadaifin nuk e copëtojmë por e nxjerrim fije fije duke formuar një kordon të gjatë 30 cm. E lyejmë mirë me gjalp dhe formojmë fole duke rrotulluar kordonin rreth gishtit të madh të dorës. Frutat i spërkatim me 40 ml liker ose ujë. Vendosim foletë në tepsinë me kupta të kekëve të vegjël. Pasi të kemi mbushur kupat, spërkatim frutat e thata me sheqer dhe fillojmë të mbushim foletë. Vendosim tepsinë në furrë në temperaturën 160-170ºC deri sa kadaifi të marrë ngjyrë të verdhë të errët. Ndërkohë përgatisim shërbetin i cili duhet të jetë i plotë. E ftohim shërbetin dhe menjëherë sa të  nxjerrim foletë nga furra i shërbetosim. I lëmë të ftohen dhe kur të jenë ftohur plotësisht i vendosim në kupa letre të kekëve të vegjël.

Ëmbëlsira tejet e shijshme e gatuar nga Zonja Vjollca në pjesën e parë të gatimit kushtoi 550 lekë. Pas telefonatave të shumta në studion e "Rreze Dielli", të cilat janë bërë pjesë e quizit , ishte Dea nga Tirana ajo që ka gjetur vlerën e saktë të kostos së foleve me kadaif të mbushur me fruta të thata. Dea u bë fituese e vlerës 2000 lekë nga rrjeti i supermarketeve Conad.

Fole me kadaif të mbushur me fruta të thata

Receta e dytë: Bërxolla viçi me perime në furrë

Përgatitja:

600 gr bërxolla

4 lç mustardë

Kripë dhe piper i zi

Piper i kuq

Vaj ulliri

400 gr patate

200 gr bamje

200 gr kungull

200 gr patëllxhanë

150 gr karrota

150 gr speca

200 gr domate

2 lugë gjelle vaj bimor

Përgatitja:

Fillimisht marinojmë bërxollat. I spërkatim me pak kripë, mbi çdo bërxollë vendosim nga një lugë kafe të vogël mustardë ose gjysmën e lugës së çajit. E hapim me furçë mbi sipërfaqen e bërxollës, e pudrosim me pak hudhër pluhur, piper të zi, piper të kuq. I kthejmë nga ana tjetër bërxollat dhe bëjmë të njëjtin veprim si më sipër. Në fund i spërkatim me vaj ulliri. Lyejmë tepsinë me 2 lugë gjelle vaj bimor. Fillimisht shpërndajmë në tepsi patatet e prerë në kubikë. Të gjitha perimet e tjera të prera në kubikë. Veç bamjet e pastruara nga bishtat i shpërndajmë mbi patatet. I spërkatim me kripë dhe pak vaj ulliri. Mbi të gjitha perimet vendosim bërxollat. I mbulojmë me letër alumini dhe I vendosim në furrë në temperaturën 220ºC për 40 minuta. Më pas largojmë letrën, kthejmë bërxollat dhe I vendosim përsëri në furrë dhe për 15-20 minuta të tjera në temperaturën 200ºC.

Bërxolla viçi me perime në furrë

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Cilët janë sot patriotët dhe atdhetarët dhe kush meriton të festojë Pavarësinë?

Cilët janë sot patriotët dhe atdhetarët dhe kush meriton të festojë Pavarësinë?

28 Nëntor, 09:35 nga Alba Malltezi