POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Tavë me patate, kos e pulë dhe Sallatë pranverore me mix perimesh

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Tavë me patate, kos dhe pulë

Përbërësit:

2 qepë

500 gr fileto pule

1 kg patate

Kripë dhe piper i zi

1 spec i kuq

3 kokrra vezë

1 lugë gjelle miell

400 ml kos

4 lgj vaj ulliri

Majdanoz

Përgatitja:

Në një tenxhere ngrohim vajin dhe kaurdisim qepët e prera në kubikë të vegjël deri sa të bëhet transparente. Shtojmë mishin të prerë në kubikë mesatarë. I kaurdisim së bashku deri sa mishi të ndërrojë ngjyrë. Shtojmë 1 gotë ujë të valuar dhe i japim mishit një valë.

Shtojmë patatet e prera në gjysëm rrathë me trashësi 3 mm. I trazojmë së bashku me mishin dhe i lëmë në zjarr për 5 minuta. Më pas i shtrojmë dhe i nivelojmë në tepsi, vendosim disa rrathë me speca të kuq, i mbulojmë me letër alumini dhe e vendosim në furrë në temperaturë 200ºC për 15 minuta. Ndërkohë rrahim vezët me pak kripë e piper të zi, 1 lugë gjelle miell, 2 lugë gjelle majdanoz të grirë dhe pas 15 minutave nxjerrim tepsinë nga furra dhe e mbulojmë me kremin me vezë. E vendosim në furrë dhe për 15-20 minuta në temperaturë 180ºC. Në fund e shërbejmë të ngrohtë.

Tavë me patate, kos e pulë 

Receta e dytë: Sallatë pranverore me mix perimesh

Përbërësit:

200 gr rrepa të kuq

300 gr lakër e bardhë

1 kastravec

150 gr domate qershi

4 qepë të njoma

1 tufë kopër

Marinimi:

1/2 lëng limoni

1 lç mjaltë

1 lç mustardë

4 lgj vaj ulliri

Kripë dhe piper i zi

Përgatitja:

Fillimisht përgatisim salcën marinuese ku trazojmë në një tas lëngun e limonit me pak kripë, mustardë, mjaltë dhe vaj ulliri Olitalia. I përziejmë mirë derisa të formohet një salcë e plotë.

Presim lakrën shumë hollë, gjithashtu dhe rrepat i presim në feta shumë të holla, kastravecat i presim në gjysmërrathë, domatet qershi në gjysma, qepët e njoma i presim në unaza të holla dhe më pas grijmë dhe koprën imët.

Bashkojmë në një tas sallate të gjithë perimet, shtojmë salcën marinuese, i trazojmë dhe e servirim sallatën menjëherë.

Sallatë pranverore me mix perimesh

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Deklarata e Samitit BE-Ballkani Perëndimor/ Kosova shpreh rezervat, Osmani: Pse nuk dënohet agresioni dhe terrorizmi i sulmit në Banjskë?

Deklarata e Samitit BE-Ballkani Perëndimor/ Kosova shpreh rezervat, Osmani: Pse nuk dënohet agresioni dhe terrorizmi i sulmit në Banjskë?

18 Dhjetor, 20:44