Receta

Të gatuajmë me zonjën Vjollca, Bukë me djathë e hudhra dhe Bulgur pilaf me patëllxhanë e qiqra

Në këtë hapësirë të faqes sonë do të gjeni menyrën e përgatitjes së recetave të gatimit të përgatitura nga Zonja Vjollca .Këto receta Zonja Vjollca i gatuan çdo ditë në emisionin "Rreze Dielli" nga ora 08:45 -10:00

Redaksia 2 Tetor 2019, 10:50 | Përditesimi: 2 Tetor 2019, 11:54

Receta e parë, Bukë me djathë dhe hudhra

Përbërësit:

LEXO EDHE:
Mish me xhinxhër dhe salcë soje nga Doreada Mio

100 ml qumësht

1 pako maja e thatë

1 lugë çaji sheqer

1 lugë gjelle gjalp

1 vezë

240 gr miell

Kripë

Për mbushjen:

1 lugë gjelle gjalp

Kripë

2 thelpinj hudhër

Bar qepe ose majdanoz

½ lugë kafe piper i kuq

150 gr djathë i verdhë

Përgatitja:

Në një tas vendosim qumështin e vakur dhe shtojmë në të majan e thatë plus gjalp ambienti plus një kokërr vezë. I përziejmë mirë me një tel dhe shtojmë miellin duke e trazuar mirë me një lugë druri, shtojmë kripën dhe e mbulojmë për 20 minuta.

Ndërkohë në një tas të vogël vendosim gjalpin në temperaturë ambienti, kripë, dy thelpinj hudhra të grira plus bar qepe ose majdanoz të grirë shumë imët plus një lugë vaj, piperin e kuq dhe I përziejmë me një pirun dhe e lemë mënjëanë.

Djathin e grijmë në rende nga pjesa më e trashë.

Në tavolinën e punës spërkasim pak miell dhe vendosim brumin duke I mbledhur anët lehtë me majën e gishtave pasi brumi është shumë I butë.

Vendosim një lugë gjelle vaj në pëllëmbën e dorës dhe I lyejmë mirë të dyja pëllëmbët me vaj dhe hapim me duar brumin në formën e një drejtkëndori me trashësi pete 2-3 milimetra.

Receta e dytë, Bulgur pilaf me patëllxhanë dhe qiqra

Përbërësit:

1 qepë

2lugë gjelle vaj ulliri

1lugë çaji gjalp

1 spec jeshil

2 patëllxhanë të vegjël

Gjysmë spec i kuq

1 thelpi hudhër

1lugë çaji salcë domate

1 domate

Kripë, Piper i zi

1 gotë bulgur

2 gota ujë të valuar

400 gr qiqra të gatuara

Përgatitja:

Në një tenxhere të thellë ngrohim vaj dhe gjalp dhe qepën e grirë në kubikë të vegjël dhe e kavardisim atë derisa të bëhet transparente.

Shtojmë specat e prerë hollë plus patëllxhanët në kubikë me brinjë 1 cm. I kavardisim së bashku.

Shtojmë specin në kubikë të vegjël dhe vazhdojë t’i kavardisim së bashku.

Shtojmë një thelp hudhër të copëtuar plus një lugë çaji salsë domate të qëruar të prerë në kubikë të vegjël.

Shtojmë Bulgurin dhe I kavardisim përsëri plus kripë, piper të zi dhe dy gota ujë të valuar në masën e gotës që matëm bulgurin. Trazojmë dhe shtojmë qiqrat dhe e lemë të ziejë në temperaturë mesatare për 15 minuta. Pas 15 minutash e fikim zjarrin dhe e mbulojmë bulgurin me një picetë e më pas me kapak, me qëllim që të mos zbutet më tepër se ç’duhet. E lemë të pushojë dhe për 15 minuta dhe e shërbejmë të spërkatur me pak majdanoz.