POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Byrek me mish te grirë e patate dhe Supe krem rukola/ Jona nga Tirana, fituesja e sotme

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Byrek me mish të grirë dhe patate

Përbërësit:

1 pako peta

1 qepë

350 gr mish të grirë

800 gr patate

1 tufë majdanoz

krip + piper të zi

100 ml vaj

1 kokërr vezë

200 ml qumësht

Përgatitja:

Fillimisht presim qepën në kubikë të vegjël. Patatet i qërojmë dhe i presim dhe ato në kubikë. Vendosim një tigan me 4 lugë vaj dhe kaurdisim qepën derisa ajo të zbutet. Shtojmë mishin e grirë dhe e skuqim atë deri sat ë thërrmohet. Shtojmë patatet dhe I trazojmë së bashku me mishin dhe qepën për 5 minuta. I rregullojmë me kripë, piper dhe në fund shtojmë dhe majdanozin të grirë hollë. Në një tas përziejmë një kokërr vezë me vaj dhe qumësht. Lyejmë një tepsi me vaj dhe shtrojmë petët duke I spërkatur çdo dy petë me pak vaj trazuar me qumësht dhe vezë. Mbushjen e shtrojmë në mes të petëve duke e mbuluar përsëri me petë të spërkatura ( çdo dy petë) me vaj trazuar me qumësht dhe vezë. Në fund mbledhim anët e petëve dhe e lyejmë sipërfaqen e byrekut me qumështin me vezë. E vendosim byrekun të piqet në temperaturën 200º Celsius për 30-35 minuta.  

Jona nga Tirana u bë sot fituesja e 2000 lekëve të reja me vetëm një telefonatë. Ajo gjeti vlerën prej 480 lekësh, aq sa kushtonte receta dhe arriti të bëhej fituese. Në të njëjtën mënyrë, me vetëm një telefonatë në numrin 044 400 101 dhe duke gjetur vlerën e saktë se sa kushton receta

Byrek me mish të grirë e patate

Receta e dytë: Supë krem rukola

Përbërësit:

1 qepë e vogël

3 thelpi hudhër

800 ml lëng perimesh

150 gr patate

200 gr rukola + 100 ml pana

kripë + piper + arrë moskat

100 gr krem kosi

30 gr parmixhan

vaj ulliri

Përgatitja:

Vendosim tenxheren në zjarr. Ngrohim vajin dhe kaurdisim qepën për 5 minuta. Shtojmë hudhrat, i trazojmë pak dhe shtojmë lëngun e perimeve e pataten e zierë në kubikë. Presim rukolan vrazhdë dhee  shtojmë në tenxhere për 1 minutë. Shtojmë kripë, piper e arrë moskat. Kalojmë supën në blender dhe e kthejmë në krem. Në fund shtojmë 2 lugë gjelle pana e parmixhan dhe e vendosim për pak në zjarr. Sa të marrë valë, e largojmë dhe menjëherë e shërbejmë duke e zbukuruar me rukola.

Supë krem rukola

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Hetimet e SPAK mbi Kadastrën, arrestohen dy persona për ushtrim të ndikimit të paligjshëm

Hetimet e SPAK mbi Kadastrën, arrestohen dy persona për ushtrim të ndikimit të paligjshëm

26 Prill, 22:49