POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Byrek me qepë e domate dhe Supë me kungull e kos

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Byrek me qepë e domate

Përbërësit:

1 pako petë

800 gr qepë

1 kg domate

kripë + piper i zi

1 lugë gjelle sheqer

2 speca jeshil

nenexhik ose rigon

vaj

Përgatitja:

Qërojmë fillimisht qepët dhe i presim ato në kubikë mesatare jo shumë të imta. Më pas qërojmë domatet nga lëkura dhe tulin e tyre e presim në copa mesatarisht si qepa.
Vendosim tiganin me 4 lugë vaj ulliri dhe kaurdisim qepën derisa ajo të zbutet duke e ndihmuar me pak fare ujë. Kujdes, pasi qepa nuk duhet të marrë ngjyrë të erret. Shtojmë më pas specat të prerë në kubikë dhe i lemë sa të zbuten pak së bashku me qepën. I rregullojmë me kripë duke shtuar domatet të cilat i lemë të ziejnë së bashku me qepën dhe specat për 10 minuta. E rregullojmë në fund shijen me kripë, piper dhe pak sheqer. Pasi e largojmë mbushjen nga zjarri hedhim një majë luge rigon dhe e lemë të ftohet pak (mbushja nuk duhet të ketë shumë lëng).

Lyejmë tepsinë me pak vaj dhe vendosim petët duke i spërkatur me pak vaj dhe pak ujë. Shtrojmë 6 petë poshtë dhe vendosim një shtresë të hollë me mbushje dhe më pas shtrojmë 2-3 petë të tjera dhe mund të vendosim dhe një shtresë tjetër të hollë mbushje. E mbulojmë mbushjen me petë duke e spërkatur me pak vaj, mbledhim anët dhe e vendosim byrekun në furrë për tu pjekur në temperaturën 190 gradë Celsius për 25-30 minuta (ky byrek mund të bëhet me 1,2 ose 3 shtresa sipas preferencave).

Byreku kushton 340 lekë, por megjithë telefonatat e shumta asnjë nuk arriti ta gjente vlerën e saktë për tu brë në këtë mënyrë fitues i quiz-it tonë. Me vetëm një telefeonatë në numrin 044 400 101 dhe një shifër të saktë se sa kushton receta ju munf të bëheni fitues i 2000 lekëve të reja. 

Byrek me qepë e domate

Receta e dytë: Supë me kungull dhe kos

Përbërësit:

400 gr kungull

vaj për skuqje

40 gr gjalp

2 lugë gjelle miell

500 ml kos + 2 thelpinj hudhër

700 ml lëng perimesh

kripë + piper të zi

kopër

Përgatitja:

Presim kungullin në feta rrumbullake jo shumë të holla. I skuqim ato dhe I largojmë duke i vendosur në letër kuzhine. Në një tenxhere shkrijmë gjalpin dhe kaurdisim miellin deri sa ai të ziejë në gjalp. Shtojmë kosin dhe e përziejmë mirë duke krijuar një masë të trashë. E shuajmë më pas me lëng perimesh e hudhër dhe e lëmë të ziejë duke përftuar kosistencën që dëshirojmë. Shtojmë kripë, piper të zi. Në fund shtojmë kungujt, i japim një valë dhe e servirim duke e spërkatur me kopër. Nëse dëshironi mund ta kaloni dhe në blender duke e kthyer supën në krem.  

Supë me kungull e kos
 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kërcimi viral i Donald Trump për Krishtlindje

Kërcimi viral i Donald Trump për Krishtlindje

25 Dhjetor, 13:29