POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Domate të mbushura me djath e vezë dhe Pilaf bullguri me djath e bizele/ Elvi nga Tirana fituesi i sotëm

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Domate të mbushura me djath e vezë

Përbërësit:

1 kg domate (të pjekura)

200 gr djath

3 kokrra vezë

1 tufë majdanoz

Kripë

Vaj ulliri

Përgatitja:

Presim domatet nga sipër horizontalisht në majë dhe me ndihmën e një luge të vogël pastrojmë atë nga tui dhe krijojmë hapësirë për mbushje. Rrahim vezët në një tas dhe shtojmë në të djathin e thërrmuar, tulin e domates të prerë në kubikë të vegjël, majdanozin e grirë hollë, kripë e vaj ulliri. Mbushim domatet duke i vendosur ato në një tavë të lyer me pak vaj. Spërkatim dhe domatet sipër me pak vaj dhe i vendosim në furrë 180ºC për 30 minuta.

Kjo recetë e zonjës Vjollca kushton 280 lekë dhe ishte Elvi nga Tirana ai që gjeti vlerën e saktë duke u bërë fitues i vlerës 2000 lekë të reja. Ashtu si Elvi edhe ju mund të bëheni fitues duke gjetur koston e saktë të recetës dhe duke telefonuar në numrin 044 400 101

Domate të mbushura me djath e vezë

Receta e dytë: Pilaf bullguri me djath dhe bizele

Përbërësit:

1 gotë bullgur (kokërrmadh)

1 qepë e vogël

250 gr fileto pule

1 karrotë

200 gr bizele

1 lugë çaji salcë domate

Kripë dhe piper i zi

2 lugë gjelle vaj ulliri

1 lugë çaji gjalp

Majdanoz

Përgatitja:

Në një tenxhere të thellë ngrohim vajin e gjalpin dhe kaurdisim qepën të grirë hollë. Shtojmë fileton e pulës të prerë në kubikë dhe vazhdojmë kaurdisjen deri sa mishit ë zverdhet e më pas shtojmë salcën. Shtojmë karrotat e prera në kubikë, bullgurin dhe I trazojmë mirë. Shtojmë 2 gota ujë të valuar, bizelet, kripë e piper të zi. Ulim temperaturën dhe vendosim kapakun duke lënë bullgurin të ziejë për 15 minuta. Pas 15 minutave e fikim zjarrin dhe e lëmë dhe 15 minuta të tjera të pushojë. Në fund shtojmë majdanoz dhe e shërbejmë.

Pilaf bullguri me djath dhe bizele

 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Tiranë/ Organizonin baste dhe lojëra fati, vihen në pranga 6 persona

Tiranë/ Organizonin baste dhe lojëra fati, vihen në pranga 6 persona

24 Nëntor, 09:55