Të gatuajmë me zonjën Vjollca: Ëmbëlsirë greke dhe Kunguj të mbushur me rikota dietike

Ëmbëlsirë greke (pita portokall)

Përbërësit:

1 pako peta

5 kokrra vezë

1 gotë sheqer

2 portokallë (lëkura)

1 gotë salcë kosi

1 pako sheqer vanilje

1 pako pluhur pjekës

1 gotë lëng portokalli

1 gotë vaj ulliri

Shërbeti

3 gotë sheqer

1 gotë lëng portokalli

1 gotë ujë

Lëkura dhe lëngu i gjysmë limoni

1 shkop kanellë

Përgatitja:

Në një tas rrahim vezët me sheqerin derisa sheqeri të shkrijë. Shtojmë të gjithë përbërësit e tjerë, salcën e kosit, pluhurin pjekës, sheqerin vanilje, lëkurën e portokallit, vajin, i përziejmë derisa të na formohet një masë kremoze.

Petët sic janë të palosura fillojmë dhe i presim në shirita me gjerësi 2 cm. I shkriftojmë me duar dhe duke i copëtuar. Mund t’i vendosim dhe në furrë për ti tharë në temperaturë 90 gradë Celsius, për 1 orë. Zgjedhja është e juaja!

Vendosim petët në tasin ku kemi përgatitur kremin dhe I përziejmë me pirun derisa petët të përthithin komplet kremin.

Lyejmë tepsinë me yndyrë dhe shktrojmë ëmbëlsirën. E nivelojmë me tepsi dhe vendosim në furrë në temperaturë 180-190 gradë Celsius, për 45-50 minuta, kur sipërfaqja e ëmbëlsirës të ketë marrë ngjyrë të artë.

Ndërkohë përgatism shërbetin. Vendosim të gjithë përbërësit në një tenxhere: sheqerin, ujin, lëngun e portokallit, lëkurën e limonit, 2 lugë gjelle lëng limoni dhe shkopin e kanellës.  Nga momenti I zierjes e lëmë 5-8 minuta dhe e largojmë nga zjarri. Nxjerrim ëmbëlsirën, e lëmë të ftohet sat ë jetë e vakur e më pas e sherbetosim me sherbetin e ngrohtë.

 

Kunguj të mbushur me rikota dietike

Përbërësit:

4-5 kunguj të njomë

250 gr rikota

2 lugë gjelle pesto

2 lugë gjelle parmixhan i grirë

500 gr domate

Borzilok

Kripë

Përgatitja:

Fillimisht lajmë kungujt, i pastrojmë ato dhe i presim në copa me gjatësi 6 cm. I pastrojmë nga tuli duke formuar hapësirën e një tubi.

Vendosim një tenxhere me ujën të vakur me kripë  dhe I ziejmë kungujt për 4-5 minuta. I largojmë dhe I lëmë të ftohen.

Përziejmë rikotën së bashku me 2 lugë gjelle pesto, ose e përgatisim vetë me borzilok, hudhra, vaj ulliri, stika pishe dhe kripë. Shtojmë 2 lugë gjelle parmixhan dhe I përziejmë së bashku. Mbushim hapësirat e kungullit me rikotën e trazuar.

Ndërkohë në një tigan me pak vaj dhe një thelpi hudhër, shtojmë domatet, borzilokun, sa të marrë valë, shtojmë kungullin e mbushur I trazojmë herë pas here në një temperaturë të ulët. E rregullojmë shijen me kripë dhe I lëmë në zjarr për 25 minuta.

 

D.M./b.ha./Shqiptarja.com
Komento