POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Fileto pule me kërpudha e djathë dhe Byreçka të vogla në tigan

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Fileto pule me djathë dhe kërpudha në furrë:

Përbërësit:

500 gr fileto pule
500 gr kërpudha
2-3 lgj gjizë pa kripë
1 kokërr vezë
200 ml krem kosi
200 gr mocarela1 lk rigon
3 lgj vaj ulliri
Kripë
Piper

Përgatitja:

Fillimisht lajmë dhe thajmë mirë mishin e pulës, e presim në kubikë mesatare, më pas e marinojmë atë me kripë, piper, rigon dhe vaj ulliri.
Nxehim një tigan në zjarr dhe kaurdisim copat e mishit derisa ato të zbardhen. Më pas i vendosim copat e mishit të pulës në një tavë të lyer me pak vaj ulliri.
Nëse kërpudhat janë të freskëta i presim në feta dhe i kalojmë në ujë të vluar për 3 minuta dhe më pas i shtojmë në tavën ku kemi vendosur mishin e pulës. Nëse kërpudhat janë të konservuara i vendosim direkt në tavë.
Në një tas vendosim 2-3 lugë gjizë, një vezë dhe kremin e kosit. E trazojmë derisa të na formohet një salcë e njëtrajtshme dhe e shtrojmë si një shtresë të tretë mbi kërpudhat dhe mishin e pulës. Në fund presim djathin mocarela në feta dhe mbulojmë komplet sipërfaqen e tavës të cilën e vendosim në furrë në temperaturën 200 gradë Celsius për 25-30 minuta.

Fileto pule me kërpudha e djathë


Receta e dytë: Byreçka të shpejta në tigan

Përbërësit:

1 kremviçe

1 spec jeshil

1 domate

½ tufë majdanoz

80 gr djath pice

pak rigon

kripë dhe piper i zi

2-3 petë byreku

2 vezë

4-6 lgj peksimadhe

vaj për skuqje

Përgatitja:

Në një tas vendosim kremviçen e prerë në copëza të vogla, 1 spec të prerë në kubikë të vegjël, tulin e domates të pastruar nga lëkura dhe afrat, majdanozin e grirë imët, djathin e grirë në rende, pak rigon, kripë e piper.

Hapim petën e byrekut dhe e presim atë në ¼ dhe vendosim nga 2 lugë gjelle në çdo copë. Palosim petën nga të dy anët dhe më pas e mbledhim si një paketë.

Rrahim vezët në një pjatë dhe në pjatën tjetër vendosim peksimadhen. Kalojmë byreçkat së pari në vezë dhe më pas në peksimadhe. Ngrohim vajin dhe i kalojmë byreçkat në skuqje e më pas i shërbejmë me kos.

Byreçka të vogla në tigan

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Festa e Pavarësisë, BE në Tiranë: 112-vjetori e gjen Shqipërinë me hapjen e negociatave për Grupkapitullin e parë

Festa e Pavarësisë, BE në Tiranë: 112-vjetori e gjen Shqipërinë me hapjen e negociatave për Grupkapitullin e parë

28 Nëntor, 09:26