POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Fileto pule me kerri e perime dhe Pite e shpejtë në tigan me qepë e erëza

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e pare: Fileto pule me kerri dhe perime

Përbërësit:

600 gr fileto pule

1 qepë

1-2 speca

1 kungull i njomë

2 lk salcë kerri

50 ml ujë

4 lgj vaj ulliri

Kripë

Përgatitja:

Vendosim 2 lugë gjelle vaj ulliri në një tigan, shtojmë në të qepën e grirë në fije. E kaurdisim deri sa të ulë pak volumin, shtojmë specat e prera në shirita, kungullin e pastruar nga fijet dhe të prerë në gjysmërrathë. I lëmë perimet të gatuhen sa të ulin volumin. I largojmë nga tigani në një tas dhe i lëmë mënjanë.

Ndërkohë fileoton e larë dhe të tharë e presim në shirita me gjatësi 3-4 cm. Pasi largojmë perimet nga tigani shtojmë në të 2 lugë gjelle vaj ulliri, mishin e pulës, e kaurdisim deri sa të ndryshojë fillimisht ngjyrë dhe më pas të gatuhet.

Në një filxhan ujë tresim 2 lugë kafe kerri. Shtojmë perimet në tigan ku kemi mishin dhe i trazojmë duke shtuar kerrin e tretur. Shtojmë dhe pak kripë dhe i lëmë të marrin një valë për 2-3 minuta.

I shërbejmë duke shtuar si bazë 1 kupë oriz me mishin e pulës me perime dhe kerri.

Fileto pule me kerri e perime

Receta e dytë: Pite e shpejtë në tigan me qepë dhe erëza

Përbërësit:

1 vezë

1 gotë qumësht

1 gotë miell

1 lk pluhur pjekës

150 gr djath kaçkavall i butë

2-3 qepë të njoma

2 lgj erëza (kopër, majdanoz)

Kripë dhe pak vaj

Përgatitja:

Në një tas rrahim vezën me kripë, qumësht, miell, pluhur pjekës, djath e kaçkavall të grirë në rende. Shtojmë qepët e prera në unaza të holla dhe erzat dhe i trazojmë mirë duke e lënë brumin të pushojë së paku për 15 minuta.

Ngrohim tiganin, shtojmë pak vaj që të ngrohet dhe shtojmë në të brumin. E nivelojmë mirë në tigan dhe i vendosim kapakun.

E kthejmë me ndihmën e një kapaku ose pjate. E mbulojmë përsëri me kapak dhe e lëmë për 5 minuta e kur të jetë pjekur dhe poshtë e shërbejmë duke e ndarë në porcione.

Pite e shpejtë në tigan me qepë e erëza

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj

Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj

24 Nëntor, 11:21