POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Fruta të granituara në furrë dhe makarona me ton e ullinj/ Alma nga Tirana, fituesja e sotme

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Fruta të granituara në furrë

Përbërësit:

100 gr gjalp

150 gr miell

70 gr sheqer

1 pako sheqer vanilje

1 lgj ujë të ftohtë

800 gr fruta të stinës

3 lgj sheqer kaf

1 lgj niseshte

1/2 lëng limoni

1 lç kanellë

Përgatitja:

Fillimisht ngrohim furrën në temperaturën 180ºC. Qërojmë mollët dhe pjeshkët dhe i presim ato në kubikë ose feta, si të dëshironi. I spërkatim me lëng limoni. Në një tas përziejmë miell, sheqer, kanellë dhe i trazojmë mirë. Shtojmë gjalpin në kubikë dhe e përziejmë mirë deri sa të na formohet një masë e thërrmuar. Shtojmë bajamet e grira dhe i trazojmë së bashku. Shtrojmë frutat në një tepsi dhe i spërkatim sipër me thërrimet e brumit të trazuara dhe me bajame. Vendosim në furrë për 20 minuta dhe e shërbejmë të ngrohtë ose të ftohtë.

Alma nga Tirana u bë sot fituesja e 2000 lekëve të reja me vetëm një telefonatë. Ajo gjeti vlerën prej 300 lekësh, aq sa kushtonte receta dhe arriti të bëhej fituese. Në të njëjtën mënyrë, me vetëm një telefonatë në numrin 044 400 101 dhe duke gjetur vlerën e saktë se sa kushton receta

Fruta të granituara në furrë

Receta e dytë: Makarona me ton dhe ullinj

Përbërësit:

400 gr makarona

200 gr ton

400 gr pure domate

Vaj ulliri

1 thelb hudhër

Pak spec pikant

2 lgj kaperi

Kripë dhe piper i zi

80 gr ullinj të zinj

Majdanoz

Përgatitja:

Vendosim një tigan të thellë me vaj ulliri. Kaurdisim një thelb hudhër dhe shtojmë pak spec të kuq pikant. I lëmë për 1 minutë dhe shtojmë në tigan purenë e domates. Në tenxheren me ujë të valuar shtojmë kripë dhe ziejmë makaronat 3 minuta më pak se shkruhet në etiketë. Shpëlajmë kaperin dhe e shtojmë në salcë. Largojmë hudhrën nga salca. Presim ullinjtë në gjysma dhe gjysmat i shtojmë në salcë. Shtojmë dhe peshkun ton të kulluar nga yndyra dhe i përziejmë mirë në salcë. Ndërkohë kullojmë makaronat dhe i shtojmë në salcë. Shtojmë gjysmë garuzhde këng makaronash. I lëmë makaronat të vazhdojnë zierjen dhe 3 minuta deri sa të përthithin lëngun e tepërt dhe salca të jetë kremoze e lidhur. Në fund shtojmë majdanoz të grirë hollë dhe makaronat janë gati për shërbim.

Makarona me ton e ullinj

 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Propozimi i PS, a na duhet një reformë e re anti-korrupsion?

Lajme të tjera



×

Lajmi i fundit

Dramë gjermane në ‘Bernabeu’, Real Madrid përmbys 2-1 në limite Bayern Munich dhe gjen Dortmundin në finalen e Champions League

Dramë gjermane në ‘Bernabeu’, Real Madrid përmbys 2-1 në limite Bayern Munich dhe gjen Dortmundin në finalen e Champions League

8 Maj, 23:03