X

POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Gjellë me kunguj të njomë dhe Makarona me dy salca

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Gjellë me kungull të njomë

Përbërësit:

1 qepë e thatë

3 qepë të njoma

350 gr mish i grirë

2 domate

Kripë dhe piper i zi

600 – 700 gr kunguj të njomë

3 lgj oriz

Vaj ulliri

Kopër

Përgatitja:

Vendosim tiganin në zjarr dhe kaurdisim qepën e thatë sa të zbutet mirë. Shtojmë edhe qepën e njomë të prerë në unaza dhe i përziejmë mirë. Shtojmë mishin e grirë, e kaurdisim deri sat ë ndryshojë ngjyrë dhe të thërrmohet. Shtojmë kripë e piper të zi, domaten e prerë në kubikë ( pa lëkurë) dhe e lëmë të ziejë për 7-10 minuta. Lajmë thajmë kungujt dhe i presim ata në kubikë me brinjë 1,5 cm. sjtojmë 1 filxhan ujë në momentin që zien domatja me mishin. Në një tigan tjetër kaurdisim kungujt sa të zbuten pak me pak vaj. Në momentin që zien mishi dhe domatja, shtojmë kungujt, 3 lugë gjelle oriz dhe i lëmë të ziejnë në temperaturë mesatare për 15 minuta. Shtojmë në fund kopër dhe e shërbejmë.

Gjellë me kunguj të njomë

Receta e dytë: Makarona me dy salca

Përbërësit:

250 gr makarona

2 lgj vaj ulliri

1 thelb hudhër

200 ml pure domate

2 lgj salcë domate

2 lgj salcë xhenoveze

Kripë

Përgatitja:

Vendosim tenxheren me ujë për të zier. Shtojmë kripë, makarona dhe i lëmë të ziejnë për 7 minuta. Ndërkohë vendosim tiganin me 2 lugë gjelle vaj, 1 thelb hudhër, purenë e domates, 2 lugë gjelle pesto xhenoveze dhe i përziejmë së bashku duke shtuar dhe pak ujë nga makaronat. Largojmë makaronat, i kullojmë ato dhe i përziejmë në tigan me 2 salcat e përziera. I shërbejmë të ngrohta.

Makarona me dy salca

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Teatri i Gjilanit me 'Tartufin' në ArTurbina! Studentët e kantos, koncert tek 'Artet'! Primo Shllaku në Shtëpinë Studio Kadare!

Teatri i Gjilanit me 'Tartufin' në ArTurbina! Studentët e kantos, koncert tek 'Artet'! Primo Shllaku në Shtëpinë Studio Kadare!

26 Prill, 11:24 nga Anila Dedaj