Të gatuajmë me Zonjën Vjollca: Kek me banane e çokollatë dhe Kontorno e shpejtë/ Karmelina nga Shkodra , fituesja e sotme

Receta e parë: Kek me banane dhe çokollatë

Përbërësit:

3 vezë

180 gr sheqer

100 ml vaj olim

150 gr kos

2 banane

100 gr niseshte

250 gr miell

1 pako pluhur pjekës

70 gr çokollatë e zezë

Përgatitja:

Në një tas përziejmë 3 vezë të plota. Shtojmë sheqerin dhe vazhdojmë përzierjen deri sa sheqeri të shkrijë. Shtojmë vajin dhe përziejmë përsëri. Shtojmë kosin e bananet e shtypura me pirun ( të kthyera në pure). I përziejmë së bashku në tas me rrahësen e vezëve. Shtojmë niseshtenë dhe përsëri e përziejmë me mixerin e vezëve. Shtojmë miellin përzier me pluhur pjekës dhe vazhdojmë përzierjen deri sa të na formohet një brum jo shumë i trashë. Në fund shtojmë çokollatën, e përziejmë dhe e vendosim brumin në një tepsi të lyer me yndyrë. E pudrosim me miell dhe vendosim tepsinë në furrë në temperaturën 180ºC për 40-45 minuta.

Kjo recetë kushton 300 lekë dhe ishte Karmelina nga Shkodra ajo që arrit ta gjente vlerën e saktë. Në quiz-in e kuzhinës mund të bëheni të gjithë pjesëmarrës për tu bërë fitues i vlerës 2000 lekë nga Conad, vetëm duke gjetur sa kushton receta e më pas duke telefonuar në numrin 044 400 101

Kek me çokollatë dhe banane

Receta e dytë: Kontorno e shpejtë

Përbërësit:

4 patate mesatare të ziera

1 qepë e kuqe

3 speca me ngjyrë

rigon

kripë

vaj ulliri

Përgatitja:

Fillimisht vendosim patatet me lëkurë dhe I ziejmë për 20 minuta. Qepën e presim në katërsh e më pas në fije. Pastrojmë specat dhe I presim në gjysma e më pas në shirita me trashësi 1,5 cm. ngrohim vajin dhe në fillim shtojmë qepën, e kaurdisim për 5 minuta dhe më pas shtojmë specat duke vazhduar kaurdisjen së bashku që bashku me qepët. Shtojmë kripë dhe i lëmë specat të zbuten. Qërojmë patatet dhe I presim ato në feta rrumbullake, me trashësi 0,5 cm. Shtojmë patatet në tigan dhe vazhdojmë përzierjen së bashku për 5-7 minuta të tjera. Shtojmë ndërkohë dhe rigonin dhe pasi të ketë kaluar kjo kohë, I largojmë perimet nga zjarri dhe këtë kontorno (garniturë) mund ta shërbejmë me çfarëdolloj  mishi, viçi, pule etj.

Kontorno e shpejtë dhe e shijshme 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Dokumenti/ Si Lulzim Basha u dënua nga gjykata për shpifje për rastin e Olsi Ramës

Dokumenti/ Si Lulzim Basha u dënua nga gjykata për shpifje për rastin e Olsi Ramës