Receta e parë: Kulaç me patate, erëza dhe djathë
Përbërësit:
![](https://shqiptarja.com/template/img/NO_ALFA_Kuadrate shqiptarja.png)
4 kokrra vezë
1 gotë kos
1 gotë vaj
1-2 gota miell
1 lç pluhur pjekës
Kripë
3 qepë të njoma
1/2 tufë kopër
3 patate mesatare
150 gr djathë
Kripë dhe piper
Susam
Përgatitja:
Në një tas të madh rrahim vezët, vajin, ksoin, miellin me pluhurin pjekës dhe formojmë një brum si të kekut. Qepët i grijmë shumë hollë në unaza, shtojmë ½ tufë kopër, patatet i presim në kubikë të vegjël me brinjë 0.5 cm dhe djathin e thërrmojmë.
Të gjithë këto përbërës i shtojmë tek brumi dhe i trazojmë me një lugë druri. Lyejmë një tavë me pak vaj dhe e pudrosim me miell. Shtojmë në të brumin e përzier me patatet dhe djathin dhe pasi kemi niveluar e spërkatim me pak susam. E vendosim në furrën e parangrohur në temperaturën 190-200ºC për 25-30 minuta.
Kulaçi i gatuar nga Zonja Vjollca kushton 320 lekë. Nardi nga Tirana i cili u bë pjesë e quiz-it të sotëm arriti të gjente vlerën e saktë se sa kushton receta dhe në këtë mënyrë u bë fitues i 2000 lekëve të reja. Pjesë e quiz-it dhe fitues gjithashtu mund të behëni të gjithë ju duke telefonuar në numrin dhe duke gjetur sa kushton receta që po gatuan Zonja Vjollca
Kulaç me patate, erëza e djathë
Receta e dytë: Supë me mish të grirë dhe kos
Përbërësit:
1 kokërr qepë e vogël
200 gr mish i grirë
1 karrotë
2 lgj miell
1 kokërr vezë
400 ml kos
Majdanoz
1/2 lç nenexhik i thatë
Kripë dhe piper i zi
2 lgj gjalp
Përgatitja:
Qepën të grirë shumë imët e kaurdisim me 1 lugë gjalpë derisa të zbutet, më pas shtojmë mishin e grirë dhe e trazojmë herë pas here derisa mishi të thërrmohet dhe të zverdhet pak. Më pas shtojmë pak kripë, majdanozin e grirë, nenexhikun, karrotën të prerë në kubikë të vegjël dhe 4 gota ujë dhe e lemë supën të ziejë për 10-15 minuta.
Ndërkohë në një tas rrahim vezën me pak miell dhe kos dhe e përziejmë derisa të bëhet një masë kremoze. Shtojmë tek supa ½ gotë ujë të ftohtë më pas menjëherë shtojmë kosin me vezë dhe e lemë sa të marrë valë duke e trazuar ngadalë.
Në një tigan shkrijmë pak gjalpë me pak piper të kuq dhe shtojmë nga një lugë para se ta servirim.
Supë me mish të grirë e kos
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Pse nuk me del asnjehere nr tel esht i pa aritshem gjithone si ne emision si kur nuk jeni ne emision flm
Përgjigju