Të gatuajmë me Zonjën Vjollca: Makarona furre me pulë e perime dhe Fërgesë me speca e domate/ Elvi nga Korça, fituesi i sotme

Receta e parë: Makarona furre me pulë dhe perime

Përbërësit:

1 qepë e madhe

2 thelpinj hudhër

500 gr fileto pule

2 speca me ngjyrë

1 lugë gjelle salcë domate

1 lugë çaji kumin

2 lugë gjelle majdanoz i grirë

Kripë dhe piper i zi

400 gr makarona (pene)

60 gr djath i integruar

125 gr djath mozzarella

Beshameli:

70 gr gjalp

4 lugë gjelle miell

1 litër qumësht

Kripë, piper dhe arrë moskat

Përgatitja:

Në një tigan të thellë ngrohim vajin vajin dhe kaurdisim për 5 minuta qepën të prerë në kubikë, hudhrën e copëtuar, fileton e pulës të prerë në kubikë të vegjël. Më pas shtojmë specat e e prerë në kubikë të vegjël dhe i trazojmë. Shtojmë 1 lugë gjelle salcë domate, kumin, piper të kuq, majdanoz, kripë e piper të zi. Ndërkohë kemi vendosur një tenxhere me ujë të valuar e kripë dhe ziejmë makaronat për 9-10 minuta, 3-4 minuta më pak se minutazhi i zierjes.

Përgatisim beshamelin duke kaurdisur miellin me gjalp për 2-3 minuta. E shuajmë me qumësht duke tretaur me tel vezësh vazhdimisht deri sa beshameli të valojë. Shtojmë kripë, piper e arrë moskat. Kullojmë makaronat dhe i vendosim në një tas. I trazojmë me mishin e pulës që përgatitëm në tigan dhe I trazojmë së bashku.

Lyejmë tavën me pak beshamel. Shtrojmë një shtresë me pure dhe përzierjen. Hedhim gjysmën e beshamelit, spërkatim me djath dhe shtrojmë shtresën tjetër të makaronave me mish. E nivelojmë dhe e mbulojmë me beshamel. Spërkatim me djath dhe feta mozzrela e më pas e vendosim në furrë në temperaturën 200ºC për 20-25 minuta.

Elvi nga Korça ishte fituesi i sotem i cili me anë të një telefonate në numrin 044 400 101 arriti të bëhej fitues e 2000 lekëve të reja. Kjo recetë e përgatitur nga Zonja Vjollca kushton 680 lekë e ashtu si Elvi të gjithë ju mund të bëheni fitues vetëm duke bërë disa llogari të vogla e duke u bërë pjesë e quizit tonë. 

Makarona furre me pulë e perime

Receta e dytë: Fërgesë me speca dhe domate

Përbërësit:

800 gr speca

Vaj për skuqje

800 gr domate të pjekura

4 theloinj hudhër

1 lugë çaji sheqer

Kripë

100 gr djath

2 kokrra vezë

2 lugë gjelle vaj ulliri

Përgatitja:

Lajmë, pastrojmë specat dhe mund ti piqni ose ti skuqni në tigan. I vendosim në një tas dhe i mbulojmë për 10 minuta e më pas i qërojmë lëkurën. Në një tigan me pak vaj ulliri shtojmë hudhrat, domatet e qëruara nga lëkura dhe të prera në kubikë. Shtojmë sheqer dhe e lëmë domaten të ziejë për 10-15 minuta. Shtojmë kripë deri sa të shterojë lëngu. Shtojmë djathin të thërrmuar, specat e prerë në copëza ose dhe të plota si të preferoni. Rrahim 2 kokrra vezë dhe e shpërndajmë mbi fërgesë. Pas një minute e fikim sobën dhe e mbulojmë tiganin me qëllim që veza të mpikset.

Fërgesë me speca e domate

 

TAG:
• rreze dielli
• receta
• zonja vjollca
• Fërgesë me speca dhe domate
• Makarona furre me pulë dhe perime