POP 5

Lajmet më të lexuara të 5 minutave të fundit

Receta

Të gatuajmë me zonjën Vjollca: Mëlçi pule me domate e vezë dhe Sallate me makarona e spinaq

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Mëlçi pule me domate dhe vezë

Përbërësit:

400 gr mëlçi pule

1 kokërr qepë

3 thelpinj hudhër

pak rigon

1 spec jeshil

100 ml verë të bardhë

kripë+piper të zi

3-4 domate mesatare

80 gr kaçkavall i butë

4 kokrra vezë

vaj ulliri

Përgatitja:

Në një tigan ngrohim vajin dhe kaurdisim mëlçitë derisa të ndryshojnë ngjyrë. Shtojmë qepën të prerë në kubikë të vegjël dhe i kaurdisim deri sa qepa të zbutet. Shtojmë hudhrën e prerë imët, rigonin , specin e prerë në kubikë të vegjël. I trazojmë së bashku dhe i shuajmë me gjysëm gotë vere të bardhë.

Rregullojmë shijen me kripë dhe piper të zi, shtojmë domatet e qëruara nga lëkura dhe të prera në kubikë. I japim një valë për 10 minuta dhe më pas transferojmë mëlçitë në tavë dheu individuale. Shtojmë pak djath të grirë në rende. Në fund mund të shtoni vezët dhe izolojmë komplet sipërfaqen e tavës me qëllim që edhe mëlçitë të mos thahen. E vendosim në furrë për 10 minuta deri sat ë mpikset veza.

Mëlçi pule me domate e vezë

Receta e dytë: Sallatë me makarona dhe spinaq

Përbërësit:

1 gotë makarona klitharaqe

1 filxhan ullinj të zi

5-6 domate të thara ne vaj

1 filxhan me djath ne kubik

1 tufë spinaq baby

2 lgj kopër e prerë hollë

1 thelpi hudhër

lëkurë dhe lëng limoni

3-4 lgj uthull të bardhë

4 lgj vaj ulliri

Përgatitja:

Në një tenxhere me ujë të valuar ziejmë makaronat klitharaqe për aq sa është shënuar minutazhi në etiketë. I shpëlajmë me ujë të ftohtë që të mos zbuten dhe i vendosim në një tas.

Në një tas tjetër vendosim ullinjtë e prerë në gjysma, domatet e thata të prera imët, spinaqin e prerë hollë dhe koprën.

Grijmë pak lëkurë limoni, i përziejmë me hudhrën e grirë hollë, lëng limoni, uthull, kripë, piper e vaj. I përziejmë mirë në një tas të vogël dhe e shtojmë tek tasi me spinaq. I përziejmë mirë e më pas i shtojmë  djathin e thërrmuar dhe mbulojmë tasin duke i vendosur në frigorifer për 2 ose 3 orë dhe më pas e shërbejmë.

Sallatë me makarona e spinaq

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj

Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj

24 Nëntor, 11:21