POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/ Mish qingji me oriz dhe qumësht, supë magjerica dhe bukë pashke

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë - Mish qingji me oriz 

Përbërësit:
1 kg mish qingji
400 gr oriz
600 ml qumësht
200 ml lëng mishi
40 gr gjalp
Kripë

Përgatitja:
Fillimisht lajmë, shpëlajmë mishin dhe e vendosim atë në tenxhere. Hedhim kripë, e mbulojmë me ujë të valuar dhe e lëmë mishin të ziejë deri sa të shpohet me pirun. 
Pastrojmë orizin, e shpëlajmë, e kullojmë mirë dhe më pas e vendosim në një tepsi të lyer me pak gjalpë. Vendosim mbi të thelat e mishit të shpërndarë nëpër tavë. Mbi copat e mishit vendosim nga një amjë luge kafe gjalpë.

Hedhim fillimisht qumështin e nxehtë me pak kripë mbi copat e mishit dhe orizit. Më pas shtojmë lëngun e mishit të nxehtë dhe menjëherë e vendosim tepsinë në furrën e parangrohur në temperaturën 190ºC për 25-30 minuta derisa sipërfaqja e mishit dhe orizit të skuqet.

Receta e dytë: Supë magjerica

Përbërësit:
400-500 gr të brendshme qingji
40 gr gjalpë
3 lgj oriz
4 qepë të njoma (pkesa e bardhë)
Kripë
2 të verdha veze
3 lgj lëng limoni
Kopër
Piper i zi

Përgatitja:
Shpëlajmë të brendshmet dhe i përvëlojmë ato në ujë të valuar. I kullojmë dhe i presim në kubikë të vegjël.

Në një tenxhere me gjalpë kaurdisim të bardhat e qepëvë të njoma deri sat ë zbuten, port ë mos marrin ngjyrë. Shtojmë të brendshmet dhe i kaurdisim pak. Shtojmë lëngun e tyre dhe kur të marrë valë, hedhim orizin e pastruar e të larë. Ziejmë supën deri sa orizi të jetë gati, rregullojmë shijen për kripë dhe e heqeim nga zjarri. Pas 5-6 minutash e presim me vezë e limon. Në fund hedhim pak kopër e piper të zit ë bluar.

Receta e tretë: Bukë pashke

Përbërësit:
400 gr miell
10 gr maja birre
60 gr sheqer
1 lç lëkurë limoni
1 pako sheqer vanilje
1 vezë
60 gr gjalpë ambienti
150 ml qumësht
1 vezë

Përgatitja:
Fillimisht hollojmë majanë në qumësht të vakët. Shtojmë sheqerin, miellin, sheqerin vanilje, lëkurën e limonit të grirë hollë, vezën, gjalpin e butë dhe i trazojmë fillimisht me lugë druri dhe më pas me dorë deri sa të na formohet një brumë i butë (nuk e ngjeshim si brumin e byrekut). E mbulojmë me pecetë dhe e lëmë të pushojë për 1 orë.

Më pas mund të bëjmë një bukë të vetme  duke i dhënë formën e gërshetit. E ndajmë brumin në 3 pjesë, formojmë shirita e më pas i lidhim gërshet ose i lyejmë me vezë të rrahur dhe i pjekim.
Mund ta ndajmë brumin në 4 pjesë  dhe secilën prej tyre e ndajmë në 3 pjesë, bëjmë shiritat dhe formojmë gërsheta. Kështu mund ti bëjmë bukët individuale. I pjekim në temperaturë 180ºC për 25 minuta.

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06