Të gatuajmë me zonjën Vjollca/ Panine të mbushura me djathë e domate dhe Supë vjeshte. Sot edhe quizi "Sa kushton receta?"

Panine të mbushura me djathë dhe domate

Përbërësit:

500 gr miell

4 gr maja birre e thatë

1 lugë gjelle sheqer

250 ml qumësht (i vakur)

1 vezë

60 ml vaj Olim

Kripë

Mbushja

1 domate e madhe

125 gr mozzarella

Pak vaj dhe qumësht për lyerje në fund

Susam

Përgatitja:

Në një tas vendosim miellin, shtojmë majan e thatë, sheqerin dhe i përziejmë sëbashku me miellin, shtojmë qumështin dhe e përziejmë me lugë, shtojmë kripë, vezë, vaj dhe e trazojmë brumin duke e punuar me dorë në tavolinën e punës për 10 minuta, e vendosim në tas të lyer me vaj, e mbulojmë me celefon dhe e lëmë të pushojë për 2-3 orë.

Më pas vendosim brumin në tavolinë dhe e fillojmë të hapim me majën e gishtave derisa të formohet një petë e trashë, e nivelojmë mirë duke I dhënë formën e një pete të trashë 4-5 mm.

Presim domatet dhe mozzarellën në kubikë të vegjël, i përziejmë me erëzat që dëshirojmë.

Petën e ndajmë në shirita me gjerësi 5 cm, i lyejmë me furçë me vaj ulliri komplet shiritat. Çdo shirit e ndajmë në dy pjesë, pra gjerësia 5 cm dhe gjatësia 15-20 cm.

Në fillim të çdo shiriti vendosim një lugë gjelle me mbushje, e mbështjellim role duke mbyllur skajet dhe e vendosim në një tepsi. Kështu veprojmë me të gjitha pjesët e brumit, duke i vendosur në tepsi me largësi 1 cm nga njëra tjetra. I lëmë përsëri të mbuluara të pushojnë 15 minuta. Në fund I lyejmë me vaj e qumësht të pushojë 15 minuta.  Në fund i lyejmë me vaj e qumësht dhe i spërkatim me susam. I vendosim në furrë për tu pjekur në temperaturë 180-190 gradë Celsius për 25 minuta. Pitet e mbushura janë gati! Ju bëfshin mirë!

Supë vjeshte

Përbërësit:

300 gr fileto pule

2 thelpinj hudhra

400 gr pure domate

2 karrota

2 patate mesatare

 2 speca të kuq

4 qepë të njoma

200 gr qiqra (të ziera)

Kripë dhe piper i zi

1 majë luge spec pikant

1 lugë çaji sheqer

2 lugë gjelle lëng limoni

Vaj ulliri

Pak gjalp

Majdanoz

Përgatitja:

Në një tenxhere vendosim vajin dhe gjalpin dhe sapo të shtrijë gjalpi, kavardisim fileton e pulës të prerë në kubikë mesatarë. E skuqim derisa mishi të zverdhet.

Shtojmë purenë e domates, 1 lugë çaji sheqer dhe elëmë të ziejë derisa të marrë valë.

Të gjitha perimet e prera në kubikë të vegjël I shtojmë në tenxhere të pakavardisura, rregullojmë shijen me kripë dhe piper dhe I lëmë të ziejnë për 15 minuta.

Në 5 minutat e fundit, domethënë pas 10 minutash shtojmë limon, qiqrat dhe majdanozin. I lëmë 5 minuta sat ë marrin shijen e njera tjetrës dhe supa e vjeshtës është gati!

D.M./r.k./Shqiptarja.com

TAG:
• receta
• zonja vjollca
• rrezedielli
• Panine të mbushura me djathë
• Supë vjeshte