Receta

Të gatuajmë me zonjën Vjollca/ Pastiçe me djathë e petë dhe Mish me qiqra

Në këtë hapësirë të faqes sonë do të gjeni mënyrën e përgatitjes së recetave të gatimit të përgatitura nga Zonja Vjollca .Këto receta Zonja Vjollca i gatuan çdo ditë në emisionin "Rreze Dielli" nga ora 08:45 -10:00.

Redaksia 10 Mars 2020, 12:06 | Përditesimi: 10 Mars 2020, 15:05

Pastiçe me djathë dhe petë

Përbërësit:

LEXO EDHE:
Tavë me lakër arme dhe kimë nga zonja Albana

500 gr makarona

4 vezë

800 ml qumësht

250 gr djathë të bardhë

kripë dhe piper I zi

Arrëmoskat

8-10 petë të holla

gjalp, vaj ulliri

Përgatitja:

Në një tenxhere me ujë të bollshëm ziejmë makaronat jo plotësisht (2 minuta më pak se minutazhi i shkruar në etiketë.)

Në një tas rrahim vezët, gjalp dhe vaj të tretur së bashku (4 lugë gjelle), qumësht, kripë, piper, arrëmoskat dhe i trazojmë mirë së bashku.

Lyejmë tepsinë me yndyrë dhe shtojmë 4 petë pioshtë duke i spërkatur me yndyrë.

Kullojmë makaronat dhe i shtojmë në tasin me qumësht dhe vezë, shtojmë në të djathin e thërrmuar, i përziejmë mirë dhe shtojmë makaronat në petë.

Mbulojmë makaronat me petat e mbetura duke i spërkatur mirë në çdo petë.

Vendosim tavën në furrë në temperaturë 190 gradë Celsius, për 30-35 minuta.

Pasi e nxjerrim, e lëmë të pushojë 10-15 minuta, e presim në kuadrate dhe e shërbejmë.

Mish me qiqra

Përbërësit:

500 gr mish viçi

1 qepë

2 thelpinj hudhra

1 lugë çaji piper të kuq

1 lugë gjelle salcë domate

kripë dhe piper i zi

vaj ulliri

400 gr qiqra

majdanoz

Përgatitja:

Nëse qiqrat i kemi të pagatuara, atëherë do ti vëmë në darkë në ujë të ftohtë. Për të larguar cipën e qiqrave sa më lehtë mund të shtojmë pak sodë buke. Një ditë më pas i shpëlajmë duke i fërkuar me duar me qëllim që të largohet cipa e tyre. I shpëlajmë mirë dhe i vendosim për t’i zier.

Në një tenxhere ngrohim vajin dhe skuqim mishin derisa të marrë pak ngjyrë të lehtë. E largojmë dhe po në atë yndyrë kaurdisim qepën e prerë imët derisa të zverdhet pak.

Më pas shtojmë mishin të ziejë në temperaturë mesatare.

Pasi qiqrat të kenë zier dhe dhe shteruar lëngun, i shtojmë te tenxherja me mish dhe I lëmë të ziejnë së bashku derisa të shohim që lëngu është trashur pak.

Shtojmë në fund piper të zi dhe majdanoz dhe i shërbejmë menjëherë.