POP 5

Lajmet më të lexuara të 5 minutave të fundit

Receta

Të gatuajmë me zonjën Vjollca/ Pastiçe me spinaq dhe Jahni me pulë e roshnica

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Pastiçe me spinaq

Përbërësit:

400-500 gr makarona

700 gr spinaq

4 lgj vaj ulliri

1 kokërr qepë

100 gr domate të thata

Kripë, piper i zi ,arrë moskat

250 gr gjizë

3 kokrra vezë

500 ml qumësht

50 gr parmixhan i grirë

250 gr mozarela

Përgatitja:

Në një tenxhere me ujë të valuar ziejmë spinaqin për 1 minutë dhe e kullojmë mirë  e më pas e presim rëndë. Në një tenxhere me ujë të bollshëm të valuar ku kemi shtuar kripë ziejmë makaronat për 4 minuta më pak nga minutazhi i shkruar në etiketë.

Ndërkohë që ziejnë makaronat, në një tigan me vaj vendosim një hudhër dhe skuqim qepën e grirë imët. E largojmë hudhrën dhe shtojmë në të domatet e thata të prera në shirita. Shtojmë dhe spinaqin dhe i kaurdisim mirë së bashku. Shtojmë kripë, piper, arrë moskat dhe i largojmë.

Kullojmë makaronat dhe i trazojmë sëbashku me spinaqin në tigan. Lyejmë një tavë me gjalp dhe shtojmë në të makaronat e trazuara me spinaq dhe domatet. Në një tas rrahim vezët, shtojmë gjizën dhe i përziejmë bashkë me kripë, piper, qumësht, parmixhan të grirë. Shtojmë masën e lëngshme në tepsinë e makaronave, i nivelojmë mirë ato dhe më pas e mbulojmë tepsinë me mozarela të prerë në kubikë të vegjël. Vendosim tavën në furrë në temperaturën 180ºC për 30 minuta.

Pastiçe me spinaq

Receta e dytë: Jahni me pulë dhe roshnica

Përbërësit:

4-6 racione mish pule(ose mish)

3 lgj vaj ulliri

1 kokërr qepë e madhe

1 fç pure domate

1,5 l ujë

1 lgj gjalp

1 gotë uji roshnica

Kripë dhe piper i zi

Përgatitja:

Në një tenxhere me vaj, skuqim copat e pulës ose mishit deri sat ë ndryshojë pak ngjyrë. Largojmë copat e mishit dhe shtojmë në tenxhere qepën e grirë hollë. Shtojmë kripë dhe piper dhe e kaurdisim deri sa qepa të bëhet transparente. Shtojmë purenë e domates, i japim një valë, shtojmë copat e mishit të pulës, 1,5 litër ujë të nxehtë dhe e lëmë të ziejë për 20 minuta. E provojmë për shije për ta rregulluar atë. Mdërkohë në një tigan shkrijmë gjalpin dhe kaurdisim roshnicat deri sa ato të marrin një ngjyrë të artë. Më pas i shtojmë në tenxheren ku po zien mishi dhe i lëmë deri sa lëngu të trashet dhe roshnicat të kenë zier rreth 10-15 minuta. I shërbejmë të ngrohta.

Jahni me pulë dhe roshnica

b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Rama akuzon PD-në: Nxit akte anti-shqiptare në tokë të huaj

Rama akuzon PD-në: Nxit akte anti-shqiptare në tokë të huaj

24 Nëntor, 13:57